ദമാം/ആലുവ:സൗദി കെ എം സി സി സ്ഥാപക നേതാക്കളില് പ്രമുഖനും ദേശീയ സമിതി ട്രഷറുമായിരുന്ന സി. ഹാശിം എഞ്ചിനീയറുടെ ഓര്മ്മപുസ്തകം 'യാ ഹബീബീ' യുടെ എറണാകുളം ജില്ലാ തല വിതരണോദ്ഘാടനം സൗദി കെഎംസിസി ദേശീയ സെക്രട്ടറിയും ഗ്ലോബല് കെഎംസിസി ജില്ലാ പ്രസിഡണ്ടുമായ നാസര് എടവനക്കാട് ദമാം ജില്ലാ കെഎംസിസി എക്സിക്യൂട്ടിവ് അംഗം ഫൈസല് വെള്ളാഞ്ഞിക്ക് കൈമാറി നിര്വ്വഹിച്ചു. ദമാം കെഎംസിസി ജില്ലാ പ്രസിഡന്റ് സ്വാദിഖ് ഖാദര് കുട്ടമശ്ശേരി, സൗദി കിഴക്കന് പ്രവിശ്യാ കെഎംസിസി മുന് സെക്രട്ടറി യും പ്രസാധക സമിതി സബ് എഡിറ്ററുമായ സിറാജ് ആലുവ,
കിഴക്കന് പ്രവിശ്യാ കെഎംസിസി ഇഹ്തിഫാല് ഉംറ സംഘാംഗം സാനിഫലി എടയപ്പുറം എന്നിവര് പങ്കെടുത്തു.
സൗദി കിഴക്കന് പ്രവിശ്യ കെഎംസിസിയാണ് പുസ്തകത്തിന്റെ പ്രസാധകര്. മൂന്നര പതിറ്റാണ്ട് കാലത്തെ കുടിയേറ്റഭൂമികയിലെ ഗതിവിഗതികളുടെയും ആര്ദ്രമായ മാനവ സേവനത്തിന്റെയും സാംസ്കാരിക പാരസ്പര്യത്തിന്റെയും ചരിത്രാടരുകള് ഹാശിം എഞ്ചിനീയറുടെ പൊതുജീവിതത്തിലൂടെ ഇതള് വിരിയുന്നതാണ് 'യാ ഹബീബീ'. അദ്ദേഹത്തെ അടുത്തറിഞ്ഞ പാണക്കാട് സയ്യിദ് സ്വാദിഖലി ശിഹാബ് തങ്ങള്, പി കെ കുഞ്ഞാലിക്കുട്ടി,
ഹാശിം സാഹിബിന്റെ സുഹൃത്തും മുസ്ലീം ലീഗ് ദേശീയ സെക്രട്ടറിയൂമായ ടി എ അഹമ്മദ് കബീര് എക്സ് എംഎല്എ, മുസ്ലിംലീഗ് എംപിമാര്, എംഎല്എമാര് ദേശീയ- സംസ്ഥാന ഭാരവാഹികള് ,വേള്ഡ് കെഎംസിസി നേതാക്കള്, സൗദിയിലെ സാമൂഹ്യ-സാംസ്കാരിക വിദ്യാഭ്യാസ മാധ്യമരംഗത്തെ പ്രമുഖര്, വിവിധ തുറകളില് ഒന്നിച്ചു പ്രവര്ത്തിച്ച സഹചാരികള് കണ്ണൂര് കോര്പ്പറേഷന് കൗണ്സിലറും ഹാശിം എഞ്ചിനീയറുടെ ഭാര്യയുമായ ഫിറോസ ഹാശിം, വേള്ഡ്
കെഎംസിസി കുടുംബാംഗങ്ങളായ സി ഹാശിം എഞ്ചി നീയറുടെ മക്കള് തുടങ്ങിയവര് അദ്ദേഹത്തെ ഹൃദയംകൊണ്ട് അടയാളപ്പെടുത്തുന്നതാണ് അറുന്നൂറോളം പേജുകള് വരുന്ന ഓര്മ്മപ്പുസ്തകം
ചരിത്രകാരനും ഗ്രന്ഥകാരനുമായ മാലിക് മഖ്ബൂല് ആലുങ്ങല് (ചീഫ് എഡിറ്റര്), കാദര് മാസ്റ്റര് വാണിയമ്പലം (എക്സിക്യൂട്ടീവ് എഡിറ്റര്), ദമാം ചന്ദ്രിക ബ്യൂറോ ചീഫ്, അശ്റഫ് ആളത്ത് (അസോസിയേറ്റ് എഡിറ്റര്), അമീറലി കൊയിലാണ്ടി, സിറാജ് ആലുവ, ഹമീദ് വടകര (സബ് എഡിറ്റര്മാര്) എന്നിവരടങ്ങിയ സമിതിയാണ് പുസ്തകമൊരുക്കിയത്.
ഫോട്ടോ : സി ഹാശിം എഞ്ചിനീയര് ഓര്മ്മ പുസ്തകം ' യാ ഹബീബി ജില്ലാതല വിതരണദ്ഘാദനം നാസ്സര് എടവനക്കാട് ഫൈസല് വെള്ളാഞ്ഞിക്ക് നല്കി നിര്വ്വഹിക്കുന്നു.
Related News
