റിയാദ് കെ എം സി സി സംഘടിപ്പിച്ച ഫുട്ബോള് ടൂര്ണമെന്റിന്റെ ഫൈനല് മത്സരത്തില് മുഖ്യാതിഥിയായി എത്തിയ മുസ്ലിം ലീഗ് സംസ്ഥാന ജനറല് സെക്രട്ടറി പി എം എ സലാം സാഹിബിനെ റിയാദ് ഒ ഐ സി സി മലപ്പുറം ജില്ല നേതാക്കള് സന്ദര്ശിച്ചു. ഇന്ന് രാവിലെ ഒ സി സി മലപ്പുറം ജില്ലാ പ്രസിഡന്റ് സിദ്ധീഖ് കല്ലു പറമ്പന്റെ നേതൃത്വത്തില് നടന്ന കൂടിക്കാഴ്ചയില് കേരളത്തിലെ സമകാലിക രാഷ്ട്രീയ സാഹചര്യങ്ങളും ആസന്നമായ തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പും മുഖ്യ ചര്ച്ചയായി. കേരളത്തിലെ പ്രവാസി സമൂഹം നേരിടുന്ന പ്രശ്നങ്ങള് ഒ ഐ സി സി നേതാക്കള് അദ്ദേഹവുമായി പങ്കുവെച്ചു.
ലോക്കല് ബോഡി തെരഞ്ഞെടുപ്പിലും തുടര്ന്ന് നടക്കാനിരിക്കുന്ന നിയമസഭാ തെരഞ്ഞെടുപ്പിലും ശക്തമായ യു ഡി എഫ് മുന്നേറ്റമുണ്ടാകുമെന്നും കേരളത്തില് യു ഡി എഫ് അധികാരത്തില് തിരിച്ചെത്തുമെന്നും പി എം എ സലാം അഭിപ്രായപ്പെട്ടു. സകലമേഖലകളിലും സമ്പൂര്ണ പരാജയമാണ് നിലവിലെ ഇടത് സര്ക്കാര്. ജനങ്ങള് യു ഡി എഫിന് അനുകൂലമായി വിധിയെഴുതുമെന്നും അദ്ദേഹം പറഞ്ഞു.
ഒ ഐ സി സി മലപ്പുറം ജില്ലാ പ്രസിഡന്റ് സിദ്ധീഖ് കല്ലു പറമ്പന്റെ നേതൃത്വത്തിലുള്ള സംഘത്തില് വര്ക്കിംഗ് പ്രസിഡന്റ് വാഹീദ് വാഴക്കാട്, ജനറല് സെക്രട്ടറി ജംഷാദ് തുവ്വൂര്, ജോയിന്റ് ട്രഷറര് ഷറഫു ചിറ്റന്, വൈസ് പ്രസിഡന്റ് ഉണ്ണി എന്നിവരും ഉണ്ടായിരുന്നു.
Related News
