കാസര്കോട്: ഞാന് മരിക്കാന് പോകുന്നുവെന്ന സന്ദേശം മാതാവിന് അയച്ച നവവധു ഭര്തൃവീട്ടിലെ കിടപ്പുമുറിയില് തൂങ്ങിമരിച്ചു. മേല്പറമ്പ് അരമങ്ങാനം ആലിങ്കാല്തൊട്ടിയില് വീട്ടില് രഞ്ജേഷിന്റെ ഭാര്യ കെ.നന്ദനയെയാണ് (21) ഞായറാഴ്ച ഉച്ചയ്ക്കു മരിച്ചനിലയില് കെണ്ടത്തിയത്. ഏപ്രില് 26ന് ആയിരുന്നു നന്ദനയുടെ വിവാഹം. പ്രണയവിവാഹമായിരുന്നു. പെരിയ ആയംപാറ വില്ലാരംപെതിയിലെ കെ.രവിയുടെയും സീനയുടെയും ഏകമകളാണ്.
ഇന്നു രാവിലെ നന്ദന താന് മരിക്കാന് പോവുകയാണെന്ന ഫോണ് സന്ദേശം അമ്മ സീനയ്ക്ക് അയച്ചിരുന്നു. സന്ദേശം ലഭിച്ചയുടന് ഭര്തൃവീട്ടുകാരെ ഇക്കാര്യം അറിയിച്ചു. മുട്ടിയിട്ടും തുറക്കാത്തതിനാല് വീട്ടുകാര് വാതില് പൊളിച്ച് അകത്തു കയറിയപ്പോഴാണു മരിച്ചനിലയില് കണ്ടെത്തിയത്.
മേല്പറമ്പ് പൊലീസ് കേസെടുത്തു. പോസ്റ്റ്മോര്ട്ടത്തിനായി മൃതദേഹം കാസര്കോട് ജനറല് ആശുപത്രിയിലേക്കു മാറ്റി.
Related News
