കോട്ടയം: കേരളാ കോണ്ഗ്രസ് സംസ്ഥാന ജനറല് സെക്രട്ടറി അഡ്വ. പ്രിന്സ് ലൂക്കോസ് (53) ട്രെയിന് യാത്രക്കിടെ ഹൃദയാഘാതംമൂലം മരിച്ചു. കുടുംബത്തോടൊപ്പം വേളാങ്കണ്ണിയില്പോയി കോട്ടയത്തേക്ക് മടങ്ങുംവഴി ട്രെയിനില്വെച്ച് ഹൃദയാഘാതം ഉണ്ടാവുകയായിരുന്നു. ഇന്ന് പുലര്ച്ചെ 03:30-ന് തെങ്കാശിയില് എത്തിയപ്പോഴായിരുന്നു ഹൃദയാഘാതം. ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
കഴിഞ്ഞ നയിമസഭാ തിരഞ്ഞെടുപ്പില് ഏറ്റുമാനൂരിലെ യുഡിഎഫ് സ്ഥാനാര്ത്ഥിയായിരുന്നു. കേരള കോണ്ഗ്രസിന്റെ സ്ഥാപകനേതാക്കളില് ഒരാളായ ഒ.വി. ലൂക്കോസിന്റെ മകനാണ് പ്രിന്സ് ലൂക്കോസ്. കോട്ടയം ബാറിലെ അഭിഭാഷകനായ പ്രിന്സ് കോട്ടയം പെരുമ്പയിക്കോട് സ്വദേശിയാണ്.
പ്രിന്സ് ലൂക്കോസിന്റെ ആകസ്മിക വേര്പാടില് കേരളാ കോണ്ഗ്രസ് ചെയര്മാന് പി.ജെ. ജോസഫ് അതീവ ദുഃഖം രേഖപ്പെടുത്തി. പാര്ട്ടി നേതാക്കളായ അഡ്വ. പി.സി. തോമസ്, ഫ്രാന്സീസ് ജോര്ജ് എം.പി, മോന്സ് ജോസഫ് എം എല് എ , ജോയി എബ്രഹാം, തോമസ് ഉണ്ണിയാടന്, അപു ജോണ് ജോസഫ് തുടങ്ങിയവര് അനുശോചിച്ചു.
തെങ്കാശിയില്നിന്ന് മൃതദേഹം ഇന്നു കോട്ടയത്തു കൊണ്ടുവരും. സംസ്കാരം സംബന്ധിച്ച കാര്യങ്ങള് പിന്നീട് അറിയിക്കുമെന്ന് കോട്ടയത്ത് കേരളാ കോണ്ഗ്രസ് സംസ്ഥാന കമ്മിറ്റി ഓഫീസില് നിന്നും അറിയിച്ചു.
Related News
