കോഴിക്കോട്: വിദേശനാടുകളിലുള്ളവരും തിരിച്ചെത്തിയവരുമായ പ്രവാസികളെ ചേര്ത്തുനിര്ത്തി പുതിയ ബിസിനസ്സ് ഹബ്ബുകള് തുടങ്ങാന് നാഷണല് പ്രവാസി ലീഗ് സംസ്ഥാന കമ്മിറ്റി തീരുമാനിച്ചു. സര്ക്കാറിന്റെ സാന്ത്വന പദ്ധതി മുഴുവന് പ്രവാസികള്ക്കും ലഭിക്കാന് അനിവാര്യമായ മാറ്റങ്ങള് വരുത്തണമെന്നും കോഴിക്കോട് കൈരളി തിയേറ്റര് ഓഡിറ്റോറിയത്തില് ചേര്ന്ന സംസ്ഥാന കണ്വെന്ഷന് ആവശ്യപ്പെട്ടു.
നാഷണല് ലീഗ് സംസ്ഥാന പ്രസിഡന്റ് പ്രൊഫ എ.പി. അബ്ദുള് വഹാബ് കണ്വെന്ഷന് ഉദ്ഘാടനം ചെയ്തു. നാഷണല് പ്രവാസി ലീഗ് സംസ്ഥാന പ്രസിഡന്റ് ടി.ബഷീര് അഹമദ് അധ്യക്ഷനായി. ജനറല് സെക്രട്ടറി ബി.കെ.സാലിം ബേക്കല് സ്വാഗതമാശംസിച്ചു. നാഷണല് ലീഗ് സംസ്ഥാന ജനറല് സെക്രട്ടറി സയ്യദ് നാസര് കോയ തങ്ങള്, ഓര്ഗനൈസിംഗ് സെക്രട്ടറി എന്.കെ. അബ്ദുള് അസീസ്, ഒ.പി.റഷീദ്, സാലിഹ് മേടപ്പില്, ബഷീര് കൊടുവള്ളി, ഷര്മദ്ഖാന് ഒളവണ്ണ, റഫീഖ് അഴിയൂര്, മുഹമ്മദലി കോട്ടക്കല് എന്നിവര് പ്രസംഗിച്ചു. സെക്രട്ടറി എന്.സി.അസീസ് നന്ദി പറഞ്ഞു.
പുതിയ സംസ്ഥാന ഭാരവാഹികളെ തെരഞ്ഞെടുത്തു.
ടി. ബഷീര് അഹമദ് ബേപ്പൂര് (പ്രസിഡന്റ്). മുഹമ്മദലി മലപ്പുറം, ഹംസ ഹാജി തൃശൂര്, ഷഫീഖ് കായംകുളം (വൈസ് പ്രസിഡന്റ്സ്), ബി.കെ. സാലിം ബേക്കല് (ജനറല് സെക്രട്ടറി), നിഷാല് കോഴിക്കോട് (ഓര്ഗനൈസിംഗ് സെക്രട്ടറി), സലീം പാടത്ത് (മീഡിയ സെക്രട്ടറി), എന്.സി.അസീസ് കൊടുവള്ളി, ജാഫര് മേടപ്പില് (ജോയന്റ് സെക്രട്ടറിസ്), ബാബുമോന് (ട്രഷറര്).
Related News
