കൊല്ലം: കൊല്ലം- തേനി ദേശീയപാതയില്‍ ബസില്‍ സ്‌കൂട്ടര്‍ ഇടിച്ച് പ്രതിശ്രുതവധു മരിച്ചു. തൊടിയൂര്‍ സ്വദേശിനി അഞ്ജന (24) ആണ് മരിച്ചത്. ഒക്ടോബര്‍ 19-ന് അഞ്ജനയുടെ വിവാഹം നടക്കാനിരിക്കവേയാണ് ദാരുണമായ അപകടം.

ശാസ്താംകോട്ട ഊക്കന്‍മുക്ക് സ്‌കൂളിന് സമീപം ഇന്നു രാവിലെ പത്തരയോടെയായിരുന്നു അപകടം. സ്‌കൂട്ടര്‍ യാത്രക്കാരിയായ അഞ്ജന സഞ്ചരിച്ച സ്‌കൂട്ടറില്‍ ഒരു സ്‌കൂള്‍ ബസ് തട്ടി. ഇതോടെ നിയന്ത്രണം വിട്ട സ്‌കൂട്ടര്‍, മറ്റൊരു ബസില്‍ ഇടിച്ചാണ് അപകടമുണ്ടായത്. റോഡില്‍ ഉരഞ്ഞ് നീങ്ങിയ സ്‌കൂട്ടര്‍ ഭാഗികമായി കത്തിനശിച്ചു. അപകട സ്ഥലത്ത് വെച്ച് തന്നെ അഞ്ജന മരിച്ചു. കഴിഞ്ഞ തിങ്കളാഴ്ചയാണ് കരിന്തോട്ട സര്‍വീസ് സഹകരണ ബാങ്കില്‍ അഞ്ജനക്ക് ക്ലര്‍ക്കായി ജോലി ലഭിച്ചത്.