ജിദ്ദ: ജിദ്ദ നോര്‍ത്ത് അസീസിയയിലുള്ള ഇമാം ബുഖാരി മദ്രസ (ഐ.ബി.എം) സമ്മര്‍ വെക്കേഷനുശേഷം സെപ്തബര്‍ 11 മുതല്‍ ക്ലാസുകള്‍ പുനരാരംഭിക്കുമെന്ന് പ്രിന്‍സിപ്പല്‍ അബ്ദുസുബ്ഹാന്‍ അറിയിച്ചു. പുതിയ അഡ്മിഷന്‍ തുടരുന്നുണ്ടെന്നും നിലവില്‍ കെ.ജി മുതല്‍ എട്ടാം ക്ലാസ് വരെയാണ് ക്ലാസുകളുള്ളതെന്നും അദ്ദേഹം കൂട്ടിച്ചേര്‍ത്തു. വ്യാഴം. വെള്ളി ദിവസങ്ങളില്‍ മാത്രമാണ് ക്ലാസുകള്‍ നടക്കുന്നത്.

കെ.എം.ഐ.ബി യുടെ (കേരളാ മദ്രസാ എഡ്യൂക്കേഷന്‍ ബോര്‍ഡ്) കീഴില്‍ അഫിലിയേറ്റ് ചെയ്തിട്ടുള്ള സ്ഥാപനമാണ് ഇമാം ബുഖാരി മദ്രസ. പരിചയ സമ്പന്നരും യോഗ്യരുമായ അധ്യാപകരിലൂടെ ഖുര്‍ആന്‍ പഠന പാരായണത്തിന് പുറമേ, പൊതു പരീക്ഷകള്‍ക്കും, ടാലന്റ് സെര്‍ച്ച് പരീക്ഷകള്‍ക്കും പ്രത്യേക പരിഗണനയും പരിശീലനവും നല്‍കി വരുന്നതായും ബന്ധപ്പെട്ടവര്‍ അറിയിച്ചു. വിദ്യാര്‍ഥികളെ ചേര്‍ക്കാനാഗ്രഹിക്കുന്നവര്‍ 050 274 6345 , 050 723 1574 എന്നീ നമ്പറുകളില്‍ ബന്ധപ്പെടാവുന്നതാണ്.