ജിദ്ദ: നവോദയ ഖാലിദ് ബിന് വലീദ് ഏരിയ കമ്മിറ്റി സംഘടിപ്പിച്ച നവോദയോത്സവ് കുക്കറി ഷോയില് ടീം ഗ്രീന് ഒന്നാം സ്ഥാനം നേടി. ആറ് ടീമുകള് മത്സരിച്ച ഷോയില് ഭക്ഷണ വിഭവങ്ങളുടെ രുചി കൂട്ടുകള് ഒരുക്കി സന്ദര്ശകരെ വിസ്മയിപ്പിച്ചിരുന്നു. പ്രമുഖ വിധികര്ത്താക്കളായ കല്ലു, മാത്തു എന്നിവര് ചേര്ന്നാണ് വിജയികളെ പ്രഖ്യാപിച്ചത്.
ഒന്നാം സ്ഥാനത്തിന് അര്ഹരായ ടീം ഗ്രീനിന് ഒരു പവന് സ്വര്ണ്ണ നാണയം വേദിയില് വെച്ച് സമ്മാനമായി നല്കി. ക്യാപ്റ്റന് ലിസി സോണി, വൈസ് ക്യാപ്റ്റന് സെമീന ഷംസുദ്ദീന് എന്നിവരാണ് ടീം ഗ്രീനിനെ നയിച്ചത്. റബീന ഷാന്, ജൂബി റാഫി, സുമയ്യ സമീര്, സ്മിത മാളു, നിഷ യൂസുഫ് എന്നിവരായിരുന്നു മറ്റു ടീം അംഗങ്ങള്. അമീര് പരപ്പനങ്ങാടി കോഡിനേറ്ററായിരുന്നു.
Related News
