കൊച്ചി: പ്രവാസി കമ്മീഷന്റെ അടുത്ത അദാലത്ത് എറണാകുളം കാക്കനാടുള്ള കലക്ടറേറ്റ്് കോണ്‍ഫറന്‍സ് ഹാളില്‍ സെപ്റ്റംബര്‍ 16ന് രാവിലെ 10 മണി മുതല്‍ നടക്കും. കമ്മീഷന്‍ ചെയര്‍പേഴ്‌സണ്‍ ജസ്റ്റിസ് സോഫി തോമസ് നയിക്കുന്ന അദാലത്തില്‍ കമ്മീഷന്‍ അംഗങ്ങളായ പി. എം. ജാബിര്‍, ജോസഫ് ദേവസ്യ പൊന്മാങ്കല്‍, ഡോ. മാത്യൂസ് കെ. ലൂക്കോസ് മന്നിയോട്ട്, എം.എം. നയീം എന്നിവര്‍ പങ്കെടുക്കും. പ്രവാസികളുടെ സ്വത്തിനെയും ജീവനെയും സംബന്ധിക്കുന്നതുള്‍പ്പെടെ അവരുടെ ന്യായമായ ഏതു വിഷയവും അര്‍ധ ജുഡീഷ്യല്‍ രീതിയില്‍ പ്രവര്‍ത്തിക്കുന്ന പ്രവാസി കമ്മീഷന്‍ മുമ്പാകെ ഉന്നയിക്കാവുന്നതാണ്.

നേരത്തേ സമര്‍പ്പിച്ച അപേക്ഷകളില്‍ എറണാകുളം, തൃശൂര്‍ ജില്ലകളിലെ വിഷയങ്ങള്‍ ഉള്‍പ്പെടുന്ന ഫയലുകളാണ് അദാലത്തില്‍ പ്രധാനമായും ഉള്‍പ്പെടുത്തിയിട്ടുള്ളത്. ഇതു കൂടാതെ നേരിട്ടും ഇ മെയില്‍ മുഖാന്തിരവും പരാതികള്‍ സ്വീകരിക്കുന്നതാണ്. അദാലത്തില്‍ നേരിട്ടു പരാതി നല്‍കാനാഗ്രഹിക്കുന്നവര്‍ പ്രവാസിയാണ്/ആയിരുന്നു എന്നു തെളിയിക്കുന്നതിന് പാസ്‌പോര്‍ട്ട് ഉള്‍പ്പടെയുള്ള വിവരങ്ങള്‍ (പകര്‍പ്പ് സഹിതം) ഹാജരാക്കേണ്ടതാണ്. പരാതിയും അതില്‍ പറയുന്ന രേഖകളുടെ പകര്‍പ്പും എതിര്‍കക്ഷികളുടെ പൂര്‍ണ്ണ വിലാസവും ഫോണ്‍ നമ്പരും ലഭ്യമാക്കേണ്ടതാണ്.

കമ്മീഷന്റെ വിലാസം : പ്രവാസി ഭാരതീയര്‍ (കേരളീയര്‍) കമ്മീഷന്‍, ആറാം നില, നോര്‍ക്ക സെന്റര്‍, തൈക്കാട്, തിരുവനന്തപുരം. 695014. ഫോണ്‍ - 0471-2322311,
ഇമെയില്‍: secycomns.nri@kerala.gov.in