ദോഹ: യുഎഇ പ്രസിഡന്റ് ശൈഖ് മുഹമ്മദ് ബിന് സായിദ് അല് നഹ്യാന് ദോഹയില്. ഖത്തര് അമീര് ശൈഖ് തമീം ബിന് ഹമദ് അല്താനി, ഹമദ് അന്താരാഷ്ട്ര വിമാനത്താവളത്തില് വെച്ച് അദ്ദേഹത്തെയും പ്രതിനിധി സംഘത്തെയും സ്വീകരിച്ചു. സൗഹൃദ സന്ദര്ശനത്തിനായാണ് സംഘം എത്തിയതെന്നാണ് യുഎഇ വാര്ത്താ ഏജന്സിയുടെ വിശദീകരണം.
അമീറിന്റെ പ്രതിനിധി ശൈഖ് ജാസിം ബിന് ഹമദ് അല് താനി, പ്രധാനമന്ത്രിയും വിദേശകാര്യ മന്ത്രിയുമായ ശൈഖ് മുഹമ്മദ് ബിന് അബ്ദുല്റഹ്മാന് അല്താനി, മറ്റ് നിരവധി പ്രമുഖരും യുഎഇ പ്രസിഡന്റിനെ സ്വീകരിക്കാന് വിമാനത്താവളത്തിലെത്തിയിരുന്നു.
ദുബായ് കിരീടാവകാശിയും യുഎഇ പ്രതിരോധ മന്ത്രിയുമായ ശൈഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂം, അബൂദബി ഡെപ്യൂട്ടി ഭരണാധികാരിയും ദേശീയ സുരക്ഷാ ഉപദേഷ്ടാവുമായ ശൈഖ് തഹ്നൂന് ബിന് സായിദ് അല് നഹ്യാന്, ഉപപ്രധാനമന്ത്രിയും ആഭ്യന്തര മന്ത്രിയുമായ ലെഫ്റ്റനന്റ് ജനറല് ശൈഖ് സൈഫ് ബിന് സായിദ് അല് നഹ്യാന്, എന്നിവരുള്പ്പെടെയുള്ള ഉന്നതതല സംഘം യുഎഇ പ്രസിഡന്റിന്റ കൂടെ ദോഹയിലെത്തിയിട്ടുണ്ട്.
ദോഹക്കു നേരെ ഇസ്രായേല് നടത്തിയ വ്യോമാക്രമണ പശ്ചാത്തലത്തിലാണ് യു.എ.ഇ പ്രസിഡന്റിന്റെ ഖത്തര് സന്ദര്ശനം എന്നതു ശ്രദ്ധേയമാണ്.
Related News
