കോഴിക്കോട്: കോഴിക്കോട്ടെ സ്വകാര്യ ആശുപത്രിയില് ചികിത്സയില് കഴിയുന്ന മുസ്ലിം ലീഗ് നേതാവും കൊടുവള്ളി എംഎല്എയുമായ എം കെ മുനീറിന്റെ ആരോഗ്യനിലയില് പുരോഗതിയെന്ന് മെഡിക്കല് ബുള്ളറ്റിന്. അദ്ദേഹം ഇപ്പോഴും തീവ്രപരിചരണ വിഭാഗത്തില് തുടരുകയാണ്.
രക്തത്തില് പൊട്ടാസ്യത്തിന്റെ അളവ് കുറഞ്ഞതിന് പിന്നാലെ ഹൃദയാഘാതം കൂടി ഉണ്ടായതോടെയാണ് മുനീറിനെ ആശുപത്രിയില് പ്രവേശിപ്പിച്ചത്. കഴിഞ്ഞ ദിവസം കൊടുവള്ളി മണ്ഡലത്തിലെ വിവിധ പരിപാടികളില് സംബന്ധിക്കുന്നതിനിടെയായിരുന്നു മുനീറിന് ശാരീരിക പ്രയാസം അനുഭവപ്പെട്ടത്. എം കെ മുനീറിന്റെ ആരോഗ്യനിലയില് പുരോഗതി ഉണ്ടെന്നും ഡോക്ടര്മാരുടെ വിദഗ്ദ സംഘം അദ്ദേഹത്തെ നിരീക്ഷിച്ച് കൊണ്ടിരിക്കുകയാണെന്നും മെഡിക്കല് ബുള്ളറ്റിന് അറിയിച്ചു.
Related News
