റിയാദ്: റിയാദിലെ പൊതുഗതാഗത സംവിധാനങ്ങള് ഉപയോഗിക്കുന്ന മുതിര്ന്ന പൗരന്മാര്ക്ക് യാത്രാനിരക്കില് 50% ഇളവ് പ്രഖ്യാപിച്ച് റിയാദ് പബ്ലിക് ട്രാന്സ്പോര്ട്ട്. നഗരത്തിലെ ബസുകളിലും ട്രെയിനുകളിലും 60 വയസ്സിനു മുകളിലുള്ളവര്ക്കാണ് പ്രത്യേക ആനുകൂല്യം ലഭിക്കുക.
മുതിര്ന്ന പൗരന്മാരെ പിന്തുണക്കുന്നതിനും ആദരിക്കുന്നതിനും വേണ്ടിയാണ് ഈ പുതിയ തീരുമാനം. യാത്രാ സൗകര്യങ്ങള് കൂടുതല് എളുപ്പത്തില് ലഭ്യമാക്കുക എന്നതാണ് ഇതിന്റെ പ്രധാന ലക്ഷ്യം.
60 വയസ്സോ അതില് കൂടുതലോ പ്രായമുള്ള എല്ലാ പൗരന്മാര്ക്കും അവരുടെ ദേശീയ തിരിച്ചറിയല് കാര്ഡോ അല്ലെങ്കില് റെസിഡന്സി കാര്ഡോ സ്റ്റേഷനിലെ സെയില്സ് ഓഫീസുകളില് കാണിച്ചാല് ഈ ഇളവ് ലഭിക്കും.
പുതിയ പദ്ധതിയിലൂടെ മുതിര്ന്ന പൗരന്മാര്ക്ക് കുറഞ്ഞ ചെലവില് നഗരത്തിലൂടെ യാത്ര ചെയ്യാനും കൂടുതല് സൗകര്യപ്രദവും സുഖപ്രദവുമായ യാത്രാനുഭവം നേടാനും സാധിക്കും. തലസ്ഥാനത്തെ പൊതുഗതാഗത ശൃംഖലയെ കൂടുതല് ജനപ്രിയമാക്കാനും ഈ നീക്കം സഹായിക്കുമെന്നാണ് പ്രതീക്ഷിക്കുന്നത്.
Related News
