റിയാദ്: സൗദി അറേബ്യയില് 2025 ഓഗസ്റ്റിലെ വാര്ഷിക പണപ്പെരുപ്പ നിരക്ക് 2.3% ആയി ഉയര്ന്നതായി ജനറല് അതോറിറ്റി ഫോര് സ്റ്റാറ്റിസ്റ്റിക്സ് വെളിപ്പെടുത്തി. കഴിഞ്ഞ വര്ഷം ഇതേ മാസത്തെ അപേക്ഷിച്ച് പണപ്പെരുപ്പത്തില് വര്ദ്ധനവ് രേഖപ്പെടുത്തി.
പണപ്പെരുപ്പം ഉയരാനുള്ള പ്രധാന കാരണം റസിഡന്ഷ്യല് വാടക നിരക്കുകളിലുണ്ടായ വര്ദ്ധനവാണ്. താമസം, വെള്ളം, വൈദ്യുതി, ഗ്യാസ്, മറ്റ് ഇന്ധനങ്ങള് എന്നിവയുടെ വില ഏകദേശം 5.8% വര്ദ്ധിച്ചു. ഭക്ഷ്യവസ്തുക്കളുടെയും പാനീയങ്ങളുടെയും വിലയിലും വര്ദ്ധനവ് ഉണ്ടായിട്ടുണ്ട്.
ഈ വിലവര്ദ്ധനവ് സൗദിയിലെ സാധാരണക്കാര്ക്ക് കൂടുതല് സാമ്പത്തിക ഭാരം ഉണ്ടാക്കാന് സാധ്യതയുണ്ടെന്ന് സാമ്പത്തിക വിദഗ്ദ്ധര് അഭിപ്രായപ്പെട്ടു. പണപ്പെരുപ്പം നിയന്ത്രിക്കാന് സര്ക്കാര് നടപടികള് സ്വീകരിക്കുമോ എന്ന് ഉറ്റുനോക്കുകയാണ് ജനങ്ങള്.
Related News
