തൃശൂര്: കൊടുങ്ങല്ലൂര് പടിയത്ത് മണപ്പാട്ട് ഡോ. മുഹമ്മദ് സെയ്ദിന്റെയും (മെഡികെയര് ഹോസ്പിറ്റല്, കൊടുങ്ങല്ലൂര്), കിഴക്കേവീട്ടില് സൈനബിയുടെയും മകള് ഡോ. ഷബാന സെയ്ദ് (50) നോര്വെയില് നിര്യാതയായി. നോര്വേയില് ക്ലിനിക്കല് എമ്പ്രിയോളജിസ്റ്റായി ജോലി ചെയ്തുവരികയായിരുന്നു. ഖബറടക്കം ചൊവ്വാഴ്ച നോര്വേയില് നടക്കും. ഡോ. റിയ സൈനബ് സെയ്ദ് മകളാണ്.
1995ല് എംജി യൂണിവേഴ്സിറ്റിയില്നിന്ന് ബിഎസ്സി സുവോളജിയില് ഒന്നാം റാങ്കും തുടര്ന്ന് എം.എസ്സി ബയോടെക്നോളജിയില് ഒന്നാം റാങ്കും നേടിയിരുന്നു. ഓസ്ട്രേലിയയിലെ മൊണാഷ് യൂണിവേഴ്സിറ്റിയില്നിന്ന് ക്ലിനിക്കല് എമ്പ്രിയോളജിയില് ബിരുദാനന്തര ബിരുദവും ഓസ്ലോ യൂണിവേഴ്സിറ്റിയില്നിന്ന് പി.എച്ച്ഡിയും നേടിയിരുന്നു. ഫാത്തിമ ഷിഹാബ്, ഐഷ മുസ്തഫ, ഫര്സാന സെയ്ദ് സമീര്, സുഹൈബ് റഹ്മാന് എന്നിവര് സഹോദരങ്ങളാണ്.
Related News
