കോഴിക്കോട്: സിറാജ് സബ് എഡിറ്റര് ജാഫര് അബ്ദുര്റഹീം (33) അന്തരിച്ചു. ശനിയാഴ്ച പുലര്ച്ചെ കോഴിക്കോട് ഈസ്റ്റ് നടക്കാവിലെ സിറാജ് ഓഫീസിന് മുന്നില് വെച്ച് വാഹനാപകടത്തില് ഗുരുതരമായി പരുക്കേറ്റ് മിംസ് ആശുപത്രിയില് ചികിത്സയിലായിരുന്നു. കണ്ണൂര് മുണ്ടേരിമൊട്ട കോളില്മൂല സ്വദേശിയാണ്.
കോഴിക്കോട്-വയനാട് ദേശീയപാതയില് ശനിയാഴ്ച പുലര്ച്ചെ 12.50നായിരുന്നു അപകടം. ഓഫീസില് നിന്ന് ജോലി കഴിഞ്ഞ് ഇറങ്ങി നടപാതയിലൂടെ നടക്കുന്നതിനിടെ എരഞ്ഞിപ്പാലം ഭാഗത്ത് നിന്ന് അമിതവേഗത്തില് എത്തിയ കാര് നിയന്ത്രണം വിട്ട് ജാഫറിനെയും കൂടെയുണ്ടായിരുന്ന സുഹൃത്തും സിറാജ് ജീവനക്കാരനുമായ അസീസിനെയും ഇടിച്ചുതെറിപ്പിക്കുകയായിരുന്നു. അസീസ് അത്ഭുതകരമായി രക്ഷപ്പെട്ടു. ഗുരുതരമായി പരുക്കേറ്റ ജാഫറിനെ ഉടന് കോഴിക്കോട് മെഡിക്കല് കോളജില് എത്തിച്ചു. അവിടെ നിന്ന് ഞായറാഴ്ച പുലര്ച്ചെ മിംസ് ആശുപത്രിയിലേക്ക് മാറ്റിയെങ്കിലും ജീവന് രക്ഷിക്കാനായില്ല.
സിറാജ് മലപ്പുറം, കണ്ണൂര്, കൊച്ചി, ആലപ്പുഴ ബ്യൂറോകളില് റിപ്പോര്ട്ടറായി സേവനമനുഷ്ടിച്ച ജാഫര് അടുത്തിടെയാണ് കോഴിക്കോട്ടെ സെന്ട്രല് ഡെസ്കിലേക്ക് മാറിയത്.
Related News
