ദമ്മാം: ഹൃസ്വ സന്ദർശനാർത്തം ദമ്മാമിൽ എത്തിയ മുസ്ലിം ലീഗ് അഖിലേന്ത്യാ ഓർഗനൈസിംഗ് സെക്രട്ടറി ഇടി മുഹമ്മദ് ബഷീർ എംപിക്കും, മുസ്ലിം ലീഗ് സംസ്ഥാന വൈസ് പ്രസിഡന്റും പ്രമുഖ പത്രപ്രവർത്തതകനുമായ സി.പി സൈതലവിക്കും സൗദി കിഴക്കൻ പ്രവിശ്യ കമ്മിറ്റിയുടെ നേതൃ ത്വത്തിൽ ദമ്മാം കിംഗ് ഫഹദ് ഇന്റർ നാഷണൽ എയർപോർട്ടിൽ ഉജ്ജ്വല സ്വീകരണം നൽകി.

കെ.എം.സി.സി സ്ഥാപക നേതാക്കളിൽ പ്രമുഖനായ സി ഹാഷിം എഞ്ചിനീയറുടെ ഓർമ്മപുസ്തകമായ യാ ഹബീബിയുടെ സൗദിതല പ്രകാശന പരിപാടിയിൽ സംബന്ധിക്കാനാണ് നേതാക്കൾ ദമ്മാമിൽ എത്തിയത്. ഇ.ടി മുഹമ്മദ് ബഷീർ എം.പി ഡോ. സിദ്ധീഖ്‌ അഹ്മദിന് നൽകി കൊണ്ട് പുസ്തകം പ്രകാശനം ചെയ്യും. സൗദി കെ.എം.സി. സി നാഷണൽ കമ്മിറ്റി പ്രസിഡന്റ് കുഞ്ഞിമോൻ ആലുങ്ങൽ സമ്മേളനം ഉദ്ഘാടനം ചെയ്യും. സി.പി സൈദലവി ഹാഷിം എഞ്ചിനീയർ സ്മാരക പ്രഭാഷണം നിർവ്വഹിക്കും.

മുഹമ്മദ് കുട്ടി കോഡൂർ, ആലികുട്ടി ഒളവട്ടൂർ, സിദ്ധീഖ് പാണ്ടി കശാല, മാലിക് മഖ്ബൂൽ ആലുങ്ങൽ, റഹ്‌മാൻ കാരയാട്, കബീർ കുണ്ടോട്ടി, ഒ.പി ഹബീബ്, കെ.പി ഹുസ്സൈൻ വേങ്ങര, ഫൈസൽ കൊടുമ, അറഫാത് ശംനാട്, മഹ്മൂദ് പൂക്കാട്, ബഷീർ ആലുങ്ങൽ, അലി ഊരകം എന്നിവർ സ്വീകരണത്തിന് നേതൃത്വം നൽകി.