റിയാദ്: സെപ്റ്റംബര് 22 തിങ്കളാഴ്ച (റബീഉല് അവ്വല് 30) മുതല് സൗദി അറേബ്യയില് വേനല്ക്കാലത്തിന് വിരാമമിട്ട് ശരത്കാലം ആരംഭിക്കുമെന്ന് കാലാവസ്ഥാ ഗവേഷകനായ അബ്ദുല് അസീസ് അല് ഹുസൈനി അറിയിച്ചു. സൂര്യന് ഭൂമധ്യരേഖയുമായി നേര്രേഖയില് വരുന്നതോടെയാണ് ഈ മാറ്റം സംഭവിക്കുന്നത്.
ഈ പ്രതിഭാസം കാരണം രാത്രിയുടെയും പകലിന്റെയും ദൈര്ഘ്യം തുല്യമാവുകയും, പിന്നീട് പകലിന്റെ ദൈര്ഘ്യം കുറയുകയും രാത്രിക്ക് നീളം കൂടുകയും ചെയ്യും. സൂര്യന് കിഴക്ക് ദിശയില് 90 ഡിഗ്രിയില് ഉദിക്കുകയും, പടിഞ്ഞാറ് ദിശയില് 90 ഡിഗ്രിയില് അസ്തമിക്കുകയും ചെയ്യുന്നതിനാല് കിഴക്കും പടിഞ്ഞാറും എളുപ്പത്തില് തിരിച്ചറിയാന് സാധിക്കുമെന്നും അദ്ദേഹം കൂട്ടിച്ചേര്ത്തു.
ഈ സമയത്താണ് സൗദി അറേബ്യയില് വാസം സീസണ് ആരംഭിക്കുന്നത്. രാജ്യത്ത് ഏറ്റവും കൂടുതല് മഴ ലഭിക്കുന്ന വാര്ഷിക കാലഘട്ടങ്ങളിലൊന്നാണ് വാസം സീസണെന്നും അല് ഹുസൈനി അറിയിച്ചു.
Related News
