ജിദ്ദ : തിരുവനന്തപുരം സ്വദേശി സംഗമം ജിദ്ദ ഹറാസാത്തിലെ പാം ഓയാസിസ് ആഡിറ്റോറിയത്തില് ഒരുക്കിയ ഓണാഘോഷം വൈവിധ്യങ്ങളാല് സമ്പന്നമായിരുന്നു. ഓണാഘോഷങ്ങള്ക്ക് ടിഎസ്എസ് പ്രസിഡന്റ് തരുണ് രത്നാകരന് തിരിതെളിയിച്ചു തുടക്കം കുറിച്ചു. തുടര്ന്ന് ടിഎസ്എസ് അംഗങ്ങള് അണിനിരന്ന തിരുവാതിരക്കളിയും ഓണപ്പാട്ടും ഓണക്കളികളും വിനോദവിജ്ഞാന പരിപാടികളും ഓണാഘോഷത്തിന്റെ പ്രൗഢിയും തനിമയും സമ്മാനിച്ചു. നെയ്യ് ബോളിയും മൂന്നുകൂട്ടം പായസവും അടക്കം ടിഎസ്എസ് വനിതാവേദി അംഗങ്ങള് തിരുവനന്തപുരം തനിമയില് തയ്യാറാക്കിയ ഓണസദ്യ ഗൃഹാതുരതയുടെ ഓണരുചി സമ്മാനിച്ചു.
പതിവിലും വ്യത്യസ്തമായി ചലിക്കുന്ന കണ്ണുകളുള്ള കഥകളി രൂപത്തില് തീര്ത്ത അത്തം കാഴ്ചക്കാരില് കൗതുകവും വേറിട്ട അനുഭവവും പകര്ന്നു. ജിദ്ദയിലെ സാമൂഹിക സാംസ്ക്കാരിക രംഗത്തെ പ്രമുഖരുടെ സാന്നിധ്യത്തില് നടന്ന ഓണാഘോഷ പരിപാടികള്ക്കിടെ ഉന്നത വിജയം വരിച്ച വിദ്യാര്ത്ഥികള്ക്ക് വിദ്യാഭ്യാസ അവാര്ഡുകള് സമ്മാനിച്ചു. വടം വലിയും കസേരകളിയും തുടങ്ങി വൈവിധ്യമാര്ന്ന വിനോദ പരിപാടികളും അരങ്ങേറി. ജനറല് സെക്രട്ടറി ഷരീഫ് പള്ളിപ്പുറം സ്വാഗതവും ട്രഷറര് ഷാഹിന് നന്ദിയും പറഞ്ഞു. എക്സിക്യൂട്ടീവ് അംഗങ്ങള് ഓണാഘോഷങ്ങള് നിയന്ത്രിച്ചു.
Related News
