ദമാം: പതിനാലായിരത്തിലധികം വിദ്യാര്ത്ഥികള് പഠിക്കുന്ന ദമാം ഇന്റര് നാഷണല് ഇന്ത്യന് സ്കൂളിലെ വിദ്യാര്ത്ഥികളും രക്ഷിതാക്കളും അഭിമുഖീകരികുന്ന വിവിധ വിഷയങ്ങള് മലയാളി രക്ഷിതാക്കളുടെ കൂട്ടായ്മയായ 'ഡിസ്പാക്ക്' ഭാരവാഹികള് ഇ.ടി.മുഹമ്മദ് ബഷീര് എം.പിയുടെ ശ്രദ്ധയില്പ്പെടുത്തി. ഇത് സംബന്ധമായി ഡിസ്പാക്ക് ഒരു നിവേദനവും എം.പിക്ക് സമര്പ്പിച്ചു. വിഷയം പഠിച്ച ശേഷം പാര്ലമെന്റില് അവതരിപ്പിക്കുന്നതോടൊപ്പം ബന്ധപ്പെട്ട വകുപ്പുകളുടെ ശ്രദ്ധയിലേക്ക് കൊണ്ട് വരുമെന്ന് ഇ.ടി.മുഹമ്മദ് ബഷീര് എം.പി ഡിസ്പാക് ഭാരവാഹികള്ക്ക് ഉറപ്പ് നല്കി.
ഗേള്സ് വിഭാഗം സ്കൂളിലെ ഓഫ്ലൈന് ക്ലാസുകള് അടിയന്തിരമായി പുനരാരംഭിക്കുക, മാനേജ്മെന്റ് കമ്മിറ്റിയുടെ ജനാധിപത്യപരമായ തെരഞ്ഞെടുപ്പ് പുനസ്ഥാപിക്കുക, രക്ഷിതാക്കള്ക്കായി പി.ടി.എ ഫോറം രൂപീകരിക്കുക തുടങ്ങിയ പ്രധാന വിഷയങ്ങള് നിവേദനത്തില് ഉള്പ്പെടുത്തി. ഡിസ്പാക് ചെയര്മാന് നജീ ബഷീര്, പ്രസിഡന്റ് നജീബ് അരഞ്ഞിക്കല്, ജന:സെക്രട്ടറി താജ് അയ്യാരില്, ട്രഷറര് ആസിഫ് താനൂര്, മറ്റു ഭാരവാഹികളായ മുജീബ് കളത്തില്, ഇര്ഷാദ് കളനാട് എന്നിവര് ഡിസ്പാക്കിനെ പ്രതിനിധീകരിച്ച് ഇ.ടി.മുഹമ്മദ് ബഷീര് എം.പിയെ സന്ദര്ശിച്ചു.
പടം : ഡിസ്പാക്ക് ഭാരവാഹികള് ഇ.ടി.മുഹമ്മദ് ബഷീര് എം.പിക്ക് നിവേദനം കൈമാറുന്നു.
Related News
