ദമ്മാം: ധാര്മ്മിക മൂല്യങ്ങളുടെ വ്യവസ്ഥാപിതമായ പ്രചാരണം ഉത്തമ സമൂഹ നിര്മ്മിതിക്ക് അനിവാര്യമാണെന്നും അത്തരം പ്രചാരണ കേന്ദ്രങ്ങള് സമൂഹത്തിന് മുതല് കൂട്ടാണെന്നും മുസ്ലീം ലീഗ് ദേശീയ ഓര്ഗ നൈസിംഗ് സെക്രട്ടറിയും പാര്ലമെന്ററി പാര്ട്ടി ലീഡറുമായ ഇടി മുഹമ്മദ് ബഷീര് എംപി അഭിപ്രായപ്പെട്ടു.
സൗദി മതകാര്യ വകുപ്പിന് കീഴില് പ്രവര്ത്തിക്കുന്ന ദമ്മാം ഇസ്ലാമിക് കള്ച്ചറല് സെന്റര് സമുച്ചയം സന്ദര്ശിച്ച അദ്ദേഹം മലയാള വിഭാഗം ഒരുക്കിയ ഇസ്ലാമിക് എക്സിബിഷന് പവലിയന് വീക്ഷിച്ചു. പ്രവാസ ലോകത്ത് മലയാളി സാമൂഹത്തിന്റെ ഇത്തരം ശ്രമങ്ങള് ഏറെ സന്തോഷം നല്കുന്നതും പ്രോത്സാഹിപ്പിക്കേണ്ടതാണെന്നും അദ്ദേഹം കൂട്ടിച്ചേര്ത്തു. തെളിമയാര്ന്ന മതമായ ഇസ്ലാം ഏറെ തെറ്റിദ്ധരിപ്പിക്കപ്പെട്ട ഇക്കാലത്ത് പരിശുദ്ധ ഖുര്ആനിന്റെയും പ്രവാചക ചര്യയുടെയും യഥാര്ത്ഥ സന്ദേശം പ്രചരിപ്പിക്കാന് ഏര്പ്പെടുത്തിയ ഇത്തരം നൂതന സംവിധാനങ്ങള് തികച്ചും ലക്ഷ്യ പ്രാപ്തിയിലെത്തുമെന്നും അദ്ദേഹം നിരീക്ഷിച്ചു.
എല്ലാ വെള്ളിയാഴ്ചകളിലും ദമ്മാമിലെ പൊതു സമൂഹത്തിനു ഇസ്ലാമിന്റെ ആദര്ശ സംഹിതകളിലേക്ക് വെളിച്ചം നല്കുന്ന ഒന്നാണ് വിസ്ഡം യൂത്ത് ദമ്മാം ഘടകം ഐസിസിയുമായി സഹകരിച്ചു നടത്തുന്ന ഇസ്ലാമിക പ്രദര്ശനമെന്ന് ദമ്മാം ഇന്ത്യന് ഇസ്ലാഹി സെന്റര് ഭാരവാഹികള് വ്യക്തമാക്കി. ഐസിസി മലയാള വിഭാഗം മേധാവി അബ്ദുല് ജബ്ബാര് അബ്ദുല്ല മദീനി എംപി യെ സ്വീകരിച്ചു. കിഴക്കന് പ്രവിശ്യാ ഇന്ത്യന് ഇസ്ലാഹി സെന്റര് കോഓര്ഡിനേഷന് കമ്മിറ്റി പ്രസിഡന്റ് അര്ഷദ് ബിന് ഹംസ, അനസ് ഫസലുദ്ധീന് വെമ്പായം, ഫവാസ് ചെമ്മാട്, സിറാജ് അത്തോളി, അബ്ദുല് അസീസ് കൊണ്ടോട്ടി, മുഹമ്മദ് റാസി കുറുപ്പത്ത്, അസ്കര് പല്ലാരിമംഗലം തുടങ്ങിയവര് സംബന്ധിച്ചു.
-സിറാജ് ആലുവ
Related News
