ദമാം: സൗദി അറേബ്യയിലെ ദമാം ബാദിയയില് വാക്കു തര്ക്കത്തെ തുടര്ന്നു ഉണ്ടായ ഉന്തും തള്ളലിനിടെ ബാലരാമപുരം സ്വദേശിയായ യുവാവ് മരിച്ചു. ബാലരാമപുരം സ്വദേശി അഖില് ആണ് മരിച്ചത്. കഴിഞ്ഞ വെള്ളിയാഴ്ചയാണ് സ്വദേശി പൗരനുമായുള്ള വാക്കുതര്ക്കത്തെ തുടര്ന്ന് ഉന്തും തള്ളുമുണ്ടായത്. സംഭവത്തെ തുടര്ന്ന് സ്വദേശി പൗരന് ഓടി രക്ഷപ്പെട്ടെങ്കിലും , സംഭവത്തിന്റെ ദൃക്സാക്ഷിയായ സുഡാനി പൗരന് വിവരം പോലീസിനെ അറിയിച്ചു. പോലീസ് സമയോചിതമായി ഇടപെട്ട് അഖിലുമായി വഴക്കുകൂടിയ സ്വദേശി പൗരനെ ഉടന് തന്നെ പിടികൂടി അറസ്റ്റ് ചെയ്തു. ഖത്തീഫില് ജോലി ചെയ്തുവരികയായിരുന്നു അഖില്. അഖിലിനോടൊപ്പം ഉണ്ടായിരുന്ന ഭാര്യയും, മാതാപിതാക്കളും രണ്ടാഴ്ച മുമ്പാണ് നാട്ടിലേക്ക് മടങ്ങിയത്.
അഖിലിന്റെ റിയാദിലുള്ള സഹോദരന് ആദര്ശും ബന്ധുക്കളും ദമാമില് എത്തിയിട്ടുണ്ട്. അഖിലിന്റെ പോസ്റ്റ് മോര്ട്ടം പൂര്ത്തിയാക്കി തുടര് നടപടികള് ലോക കേരള സഭാ അംഗവും സാമൂഹിക പ്രവര്ത്തകനുമായ നാസ് വക്കത്തിന്റെ നേതൃത്വത്തില് പുരോഗമിക്കുന്നു.
Related News
