റിയാദ്: പ്രവാസികള്ക്കായി നോര്ക്ക നടത്തുന്ന വിവിധ പദ്ധതികളെ കുറിച്ച് മെമ്പര്മാര്ക്കുള്ള ബോധവല്ക്കരണ പദ്ധതിയായ ടി എം ഡബ്ല്യു എ റിയാദ് നോര്ക്ക ഹെല്പ് ഡെസ്ക്ക് സംഘടിപ്പിച്ചു. ബത്ഹ കമ്മേര്ഷിയല് സെന്ററിലുള്ള ഗ്ലോബല് ജനറല് സര്വീസസ് ഓഫീസില് മെമ്പര്ഷിപ്പ് വകുപ്പ് തലവന് ഫിറോസ് ബക്കറിന്റെ നേതൃത്വത്തില് നടന്ന ചടങ്ങിന്റെ ഉത്ഘാടനം വൈസ് പ്രസിഡന്റ് അഫ്താബ് അമ്പിലായില് നിര്വഹിച്ചു.
നോര്ക്ക റൂട്സ് വഴി പ്രവാസി മെമ്പര്ഷിപ്പ്, നോര്ക്ക ഐ ഡി കാര്ഡ്, പ്രവാസ സുരക്ഷാ പദ്ധതികളിലേക്കും, പ്രവാസി ഹെല്ത്ത് ഇന്ഷുറന്സ് പദ്ധതികളിലെക്കും മറ്റുമുള്ള രജിസ്ട്രെഷന് എളുപ്പത്തില് നടത്താനുള്ള സഹായം ടി എം ഡബ്ല്യു എ റിയാദ് നോര്ക്ക ഹെല്പ് ഡെസ്ക്ക് തങ്ങളുടെ മെമ്പര്മാര്ക്ക് നല്കാന് ആരംഭിച്ചു. ആവശ്യമായ രേഖകളുമായി ബന്ധപ്പെട്ടാല് രജിസ്ട്രെഷന് പൂര്ത്തീകരിച്ചു കൊടുക്കുമെന്നും രേഖകള് നേരിട്ട് എത്തിക്കാന് ബുദ്ധിമുട്ടുള്ളവര്ക്ക് വാട്സ്ആപ്പ് വഴി രേഖകള് സമര്പ്പിച്ചാല് മതിയാകുമെന്നും ഫിറോസ് ബക്കര്, അഷ്ക്കര് വി സി എന്നിവര് വിശദീകരിച്ചു. അബ്ദുല് കബീറിന്റെ രേഖകള് ഏറ്റുവാങ്ങി ഹെല്പ് ഡെസ്ക്ക് പ്രവര്ത്തനം ആരംഭിച്ചു. നിര്വാഹക സമിതി അംഗങ്ങള്ക്ക് പുറമേ ടി എം ഡബ്ല്യു എ റിയാദ് മെമ്പര്മാരും പരിപാടിയില് പങ്കെടുത്തു.
Related News
