ജിദ്ദ- സൗദി അറേബ്യയുടെ ഗ്രാന്ഡ് മുഫ്തിയും മുതിര്ന്ന പണ്ഡിതന്മാരുടെ സമിതി അധ്യക്ഷനുമായ ഷെയ്ഖ് അബ്ദുല് അസീസ് ബിന് അബ്ദുല്ല ബിന് മുഹമ്മദ് അല് അല്-ഷെയ്ഖ് ഇന്ന് രാവിലെ അന്തരിച്ചു. ഇന്ന് അസര് നമസ്കാരത്തിന് ശേഷം റിയാദിലെ ഇമാം തുര്ക്കി ബിന് അബ്ദുല്ല മസ്ജിദില് അദ്ദേഹത്തിന്റെ മയ്യിത്ത് നമസ്കാരം നടക്കും.
രണ്ട് വിശുദ്ധ മസ്ജിദുകളിലും രാജ്യത്തെ എല്ലാ പള്ളികളിലും ഇന്ന് അസര് നമസ്കാരത്തിന് ശേഷം അദ്ദേഹത്തിനുവേണ്ടി മയ്യിത്ത് നമസ്കാരം നടത്താന് സല്മാന് രാജാവ് നിര്ദ്ദേശിച്ചു. അദ്ദേഹത്തിന്റെ നിര്യാണത്തില് രാജ്യത്തിനും ഇസ്ലാമിക ലോകത്തിനും വലിയ സംഭാവനകള് നല്കിയ ഒരു മികച്ച പണ്ഡിതനെയാണ് നഷ്ടമായതെന്ന് റോയല് കോര്ട്ട് പ്രസ്താവനയില് പറഞ്ഞു. രാജാവും കിരീടാവകാശിയും അദ്ദേഹത്തിന്റെ കുടുംബത്തിനും സൗദി ജനതയ്ക്കും ഇസ്ലാമിക ലോകത്തിനും അനുശോചനം രേഖപ്പെടുത്തി.
Related News
