ജിദ്ദ- സൗദി അറേബ്യയുടെ 95-ാമത് ദേശീയ ദിനാഘോഷത്തോടനുബന്ധിച്ച് ജിദ്ദ ഇന്ത്യന് മീഡിയ ഫോറം മാധ്യമ പരിശീലനവും ദേശീയ ദിനാഘോഷവും സംഘടിപ്പിച്ചു. രാവിലെ 8:30-ന് ആരംഭിച്ച പരിപാടിയില് മാധ്യമ പ്രവര്ത്തകരും പ്രമുഖ വ്യക്തികളും സംഘടനകളുടെ മാധ്യമ ചുമതല വഹിക്കുന്നവരും പങ്കെടുത്തു.
മാധ്യമ പരിശീലന കളരിയായിരുന്നു ആദ്യം. അതിഥികളെ ബിജു സ്വാഗതം ചെയ്തു. വാര്ത്ത റിപ്പോര്ട്ടിംഗില് ശ്രദ്ധിക്കേണ്ട കാര്യങ്ങളെക്കുറിച്ച് മീഡിയ ഫോറം പ്രസിഡന്റ് കബീര് കൊണ്ടോട്ടി ക്ലാസ്സെടുത്തു. ഗഫൂര് കൊണ്ടോട്ടി 'വിഷ്വല് മീഡിയയും നിര്മ്മിത ബുദ്ധിയും' എന്ന വിഷയത്തില് ക്ലാസ്സെടുത്തു. ദൃശ്യ മാധ്യമ രംഗത്ത് നിര്മ്മിത ബുദ്ധി എങ്ങനെ ഉപയോഗിക്കാമെന്ന് അദ്ദേഹം വിശദീകരിച്ചു. തുടര്ന്ന് നടന്ന പാനല് ചര്ച്ചയില് സാദിഖലി തുവ്വൂര്, സുല്ഫീക്കര് ഒതായി, സാബിത്, വഹീദ് സമാന്, സാലിഹ് എന്നിവര് പങ്കെടുത്തു. അര മണിക്കൂര് നീണ്ട ചോദ്യോത്തര വേളയും ചര്ച്ചയും വിഷയത്തെ കൂടുതല് ആഴത്തില് മനസ്സിലാക്കാന് സഹായിച്ചു.
മാധ്യമ പരിശീലനത്തിന് ശേഷം സൗദി ദേശീയ ദിനാഘോഷ പരിപാടികള് ആരംഭിച്ചു. സൗദി ദേശീയ ഗാനത്തിന് ശേഷം എ.എം. സജിത്ത് ദേശീയ ദിന സന്ദേശം നല്കി. ദ മലയാളം ന്യൂസ് മാഗസിന് കവര് പ്രകാശനം സുനീര് നിര്വഹിച്ചു. ഇബ്രാഹിം ശംനാട് നന്ദി പറഞ്ഞു. കേക്ക് മുറിക്കലും ഗ്രൂപ്പ് ഫോട്ടോയും കഴിഞ്ഞാണ് സദസ്സ് പിരിഞ്ഞത്.
Related News
