കണ്ണൂര്: പുതിയകാല പത്രപ്രവര്ത്തകര് മുതിര്ന്ന പത്രപ്രവര്ത്തകരില് നിന്ന് പാഠങ്ങള് ഉള്ക്കൊള്ളണമെന്ന് മുഖ്യമന്ത്രി പിണറായി വിജയന്. പ്രതിഫലം എന്നതിനപ്പുറം സമൂഹത്തെ നേരായ വഴിക്ക് നയിച്ച സാമൂഹിക പ്രവര്ത്തകരായിരുന്നു മുതിര്ന്ന പത്രപ്രവര്ത്തകര്. അവര് പ്രതിസന്ധികളോട് പൊരുതി നേടിയവരാണ്. സീനിയര് ജേര്ണലിസ്റ്റ് യൂണിയന് സംസ്ഥാന സമ്മേളനം കണ്ണൂര് ചേമ്പര് ഹാളില് ഓണ്ലൈന് ആയി ഉദ്ഘാടനം ചെയ്യുകയായിരുന്നു അദ്ദേഹം.
യൂണിയന് നേതൃത്വം സര്ക്കാരിന് മുന്നില് സമര്പ്പിച്ച പെന്ഷന് വര്ധന, ആരോഗ്യ പരിരക്ഷ തുടങ്ങിയ കാര്യങ്ങള് അനുഭാവപൂര്വ്വം പരിഗണിക്കുമെന്നും അദ്ദേഹം പറഞ്ഞു.
സംസ്ഥാന പ്രസിഡന്റ് എസ്.ആര് ശക്തിധരന് അധ്യക്ഷത വഹിച്ചു. കെ.വി സുമേഷ് എം.എല്.എ, പി. പി ദിവാകരന്, യൂണിയന് സംസ്ഥാന ജനറല് സെക്രട്ടറി വി.ആര് രാജ്മോഹന്, വി.ടി മുരളി, കെ. ജനാര്ദ്ദനന് നായര്, സി. പി സുരേന്ദ്രന് തുടങ്ങിയവര് പ്രസംഗിച്ചു.
Related News
