റിയാദ് : സൗദി അറേബ്യയുടെ 95-ാമത് ദേശീയദിനം നമ്മള് ചാവക്കാട്ടുക്കാര് സൗദി ചാപ്റ്റര് വിപുലമായി ആഘോഷിച്ചു. വര്ണാഭമായ വസ്ത്രങ്ങള് അണിഞ്ഞും ദേശീയ ദിനം ആലേഖനം ചെയ്ത കേക്ക് മുറിച്ചും നടന്ന പരിപാടിയില് സൗദിയുടെയും ഇന്ത്യയുടെയും ദേശീയ ഗാനങ്ങള് ആലപിച്ചു കുടുംബിനികളും കുട്ടികളും അടക്കം നിരവധി പേര് പങ്കെടുത്തു.
സയ്യിദ് ജാഫര് തങ്ങള് അധ്യക്ഷത വഹിച്ച യോഗത്തില് ഉപദേശക സമിതി അംഗം സിറാജുദ്ധീന് ഓവുങ്ങല് ഉദ്ഘാടനം ചെയ്തു. പ്രവാസി സമൂഹത്തിന് സുരക്ഷിതവും സമാധാനപരവുമായ ജീവിതത്തിന് അവസരം നല്കുന്ന ഭരണാധികാരികള്ക്ക് നന്ദി അറിയിക്കുന്നതോടൊപ്പം രാജ്യത്തിന്റെ പുരോഗതിയിലും ഐക്യത്തിലും പങ്കാളികളാകാന് സാധിക്കുന്നതിനാല് മലയാളികള് അഭിമാനിക്കുന്നുവെന്നും ഉദ്ഘാടന പ്രസംഗത്തില് പറഞ്ഞു. ഷാജഹാന് ചാവക്കാട്, ആരിഫ് വൈശ്യംവീട്ടില്, മുഹമ്മദ് ഇഖ്ബാല്, ഫാറൂഖ് പൊക്കുളങ്ങര, നൗഫല് തങ്ങള്, ഫായിസ് ബീരാന്, കബീര് വൈലത്തൂര് തുടങ്ങിയവര് സംസാരിച്ചു.
ഇ കെ ഇജാസ്, ഖയ്യും അബ്ദുള്ള, സലിം പി വി, സയ്യിദ് ഷാഹിദ്, സലിം അകലാട്, ഫായിസ് ബീരാന്, അന്വര് ഖാലിദ്, ശറഫുദ്ധീന് ചാവക്കാട്, പ്രകാശന് ഇ ആര്, ഫായിസ് ഉസ്മാന്, അബ്ബാസ് കൈതമുക്ക്, ജഹാംഗീര്, ഷഹബാസ് പാലയൂര്, അബ്ദുല് ലത്തീഫ്, മുഹമ്മദ് കൈതമുക്ക് എന്നിവര് പരിപാടികള്ക്ക് നേതൃത്വം നല്കി. ഫെര്മിസ് മടത്തൊടിയില് സ്വാഗതവും അലി പൂത്താട്ടില് നന്ദിയും പറഞ്ഞു.
