റിയാദ്: സൗദി അറേബ്യയുടെ നൃത്തചരിത്രത്തില്‍ ഒരു പുതു അധ്യായം തുറക്കുകയാണ് ''പോള്‍സ്റ്റാര്‍ നൈറ്റ്''. പോള്‍സ്റ്റാര്‍ ഡാന്‍സ് അക്കാദമി അവതരിപ്പിക്കുന്ന ''പോള്‍സ്റ്റാര്‍ നൈറ്റ്'' റിയാദില്‍ അരങ്ങേറുന്നു.

നൃത്തത്തിന് മാത്രമായി ഇത്ര വലിയ കാന്‍വാസില്‍ ഒരു ഷോ ഇതാദ്യമായാണ് സൗദിയില്‍ നടക്കുന്നത്. സെപ്റ്റംബര്‍ 25-ാം തീയതി വ്യാഴാഴ്ച രാത്രി 8 മണിക്ക്, ജബല്‍ അജ്യാദ് റോഡിലെ *നവരാസ്* ഓഡിറ്റോറിയം വേദിയാകുന്ന പോള്‍സ്റ്റാര്‍ നൈറ്റ് സൗദി അറേബ്യയിലെ ഇന്ത്യന്‍ സമൂഹത്തിനും മറ്റ് പ്രവാസികള്‍ക്കും മാത്രമല്ല സ്വദേശികള്‍ക്കും അപൂര്‍വമായ ഒരു അനുഭവമായി മാറുമെന്ന് സംഘാടകര്‍ വാര്‍ത്താസമ്മേളനത്തില്‍ പറഞ്ഞു.

പ്രശസ്ത കഥക് കലാകാരന്‍ ദേവേഷ് മിര്‍ചാന്ദിനി, ചലച്ചിത്ര താരങ്ങളും ഡാന്‍സര്‍മാരുമായ ദില്‍ഷ പ്രസന്നന്‍,ഡോ. ശിഖാ സോഹില്‍ സന്തോഷ്, സുനില്‍ ഭാസ്‌കര്‍, ബിഗ്‌ബോസ് താരവും ഡി. ജെ കലാകാരനുമായ സിബിന്‍ ബെഞ്ചമിന്‍ എന്നിവരോടൊപ്പം പോള്‍ സ്റ്റാറിലെ വിവിധ പ്രായത്തിലുള്ള നൂറിലധികം നൃത്ത കലാകാരന്മാരും വേദിയില്‍ ആവേശകരമായ പ്രകടനങ്ങള്‍ അവതരിപ്പിക്കും. നൃത്തങ്ങള്‍ ചിട്ടപ്പെടുത്തിയത്‌കൊറിയോഗ്രാഫര്‍ വിഷ്ണു വിജയനും അസിസ്റ്റന്റ് കൊറിയോഗ്രാഫര്‍മാരായ ജാക്കി രാഹുലും, വിനീത് സി.കെ.യും ചേര്‍ന്ന സംഘമാണ്.

വിവിധ തരത്തിലുള്ള നൃത്തത്തിന്റെ അതിരുകളില്ലാത്ത ആഘോഷരാവിലേക്കുള്ള പ്രവേശനം പാസ് മുഖേന നിയന്ത്രിക്കുന്നു. കൂടുതല്‍ വിവരങ്ങള്‍ക്കും പാസ് ലഭിക്കാനും ബന്ധപ്പെടേണ്ട നമ്പറുകള്‍: 054 380 2844, 055 262 9802.

വാര്‍ത്താ സമ്മേളനത്തില്‍ വിഷ്ണു വിജയന്‍, കഥക് കലാകാരന്‍ ദേവേഷ് മിര്‍ചാന്ദിനി, ഡാന്‍സര്‍മാരായ ദില്‍ഷാ പ്രസന്നന്‍, ഡോ.ശിഖ സോഹില്‍ സന്തോഷ്, സുനില്‍ ഭാസ്‌ക്കര്‍, ഡി ജെ കലാകാരന്‍ സിബിന്‍ ബെഞ്ചമിന്‍, മൗന മുരളി, ശബാന അന്‍ഷാദ് എന്നിവര്‍ പങ്കെടുത്തു.