കൊച്ചി: ഗസ്സ വംശഹത്യയ്ക്കെതിരെ മുസ്ലിം ലീഗ് സംസ്ഥാന കമ്മിറ്റി കൊച്ചിയില് സംഘടിപ്പിച്ച ഐക്യദാര്ഢ്യ സമ്മേളനത്തില് ആയിരങ്ങള് പങ്കെടുത്തു. മറൈന് ഡ്രൈവില് നടന്ന പരിപാടി മുസ്ലിം ലീഗ് സംസ്ഥാന പ്രസിഡണ്ട് പാണക്കാട് സാദിഖലി ശിഹാബ് തങ്ങള് ഉദ്ഘാടനം ചെയ്തു. കേരളത്തിന്റെ വിവിധ ഭാഗങ്ങളില് നിന്നുള്ള പ്രതിനിധികള് പരിപായില് പങ്കെടുക്കാനെത്തി. ഗസ വംശഹത്യയ്ക്കെതിരെ ലോകം മുഴുവന് സംഘടിപ്പിക്കുന്ന പ്രതിഷേധ പരിപാടികളുടെ ഭാഗമായാണ് മുസ്ലിം ലീഗും ഗസ്സ ഐക്യദാര്ഢ്യ സമ്മേളനം സംഘടിപ്പിച്ചത്.
ഇന്ത്യയിലെ ഫലസ്തീന് അംബാസഡര് അബ്ദുല്ല മുഹമ്മദ് അബു സാവേശ് ആയിരുന്നു മുഖ്യാതിഥി. ഇസ്രായേല് ഗസ്സയില് നടത്തുന്നത് വംശീയ ഉന്മൂലനമാണെന്നും അധിനിവേശത്തിനെതിരെ പോരാട്ടം തുടരുമെന്നും ആദ്ദേഹം പറഞ്ഞു.
ഫലസ്തീന് അറബികളുടെതാണെന്ന് ഇന്ത്യ മുമ്പ് തന്നെ അംഗീകരിച്ചിരുന്നുവെന്നും എന്നാല് ഇന്ന് രാജ്യം ഭരിക്കുന്നവര് അത് മറക്കുകയാണെന്നും മുസ്ലിം ലീഗ് അഖിലേന്ത്യ ജനറല് സെക്രട്ടറി പി.കെ കുഞ്ഞാലിക്കുട്ടി പറഞ്ഞു. മുസ്ലിം ലീഗ് സംസ്ഥാന ജനറല് സെക്രട്ടറി പി.എം.എ സലാം, ദക്ഷിണ കേരള ജംഇയ്യത്തുല് ഉലമ സംസ്ഥാന ജനറല് സെക്രട്ടറി തൊടിയൂര് മുഹമ്മദ് കുഞ്ഞി മൗലവി, മാധ്യമപ്രവര്ത്തകന് വെങ്കിടേഷ് രാമകൃഷ്ണന്, സ്വാമി ധര്മ്മ ചൈതന്യ, ഫാ.പോള് തേലക്കാട്ട് എന്നിവരും പരിപാടിയില് പങ്കെടുത്തു.
Related News
