റിയാദ്: ഡ്യൂണ്സ് ഇന്റര്നാഷണല് സ്കൂള് മലാസ്, മുര്സലാത്ത് ശാഖകളില് തൊണ്ണൂറ്റി അഞ്ചാമത് സൗദി ദേശീയ ദിനാഘോഷം ഭംഗിയായി കൊണ്ടാടി. സ്കൂള് പ്രിന്സിപ്പല് സംഗീത അനൂപ്, മാനേജര് അബീര് എന്നിവര് സൗദി ദേശീയദിന സന്ദേശം കൈമാറി. വൈസ് പ്രിന്സിപ്പല് വിദ്യ വിനോദ്, ഹെഡ്മിസ്ട്രസ് സോജി എബ്രഹാം, സി ഇ ഒ ഷാനിജ ഷനോജ് എന്നിവര് സംസാരിച്ചു.
സ്കൂള് കോ ഓര്ഡിനേറ്റര്മാരും അധ്യാപക അനധ്യാപക അംഗങ്ങളും പരിപാടികള്ക്ക് നേതൃത്വം നല്കി. സൗദി ദേശീയ ദിനാഘോഷ അസംബ്ലിയില് കുട്ടികള് അറബിയിലും ഇംഗ്ലീഷിലുമായി അവതരിപ്പിച്ച സെഷന് സൗദിയുടെ ഉയര്ച്ചയെയും വളര്ച്ചയെയും എടുത്തു കാണിക്കുന്നതായിരുന്നു. സൗദിയുടെ തനത് കലകളെ സ്വാംശീകരിച്ച നൃത്താവിഷ്കാരങ്ങള് ചടങ്ങിന്റെ മോടി കൂട്ടി. സൗദി സംസ്കാരവും പാരമ്പര്യവും മുന്നിര്ത്തി വിദ്യാര്ത്ഥികള് ഒരുക്കിയ പ്രദര്ശനങ്ങളും പരേഡും ശ്രദ്ധേയമായി.
