ജിദ്ദ: ജോലി ആവശ്യാര്‍ഥം റിയാദിലേക്ക് പോകുന്ന IDC സ്ഥാപക നേതാവും അസിസ്റ്റന്റ് അമീറുമായ നാസര്‍ ചാവക്കാട്, ഫിനാന്‍സ് സെക്രട്ടറി മുഹമ്മദലി ചട്ടിപ്പറമ്പ്, എക്‌സിക്യൂട്ടീവ് മെമ്പര്‍ ഫവാസ് കെ എന്നിവര്‍ക്ക് ഷറഫിയ MRA റെസ്റ്റോറന്റില്‍ വെച്ച് യാത്രയപ്പ് നല്‍കി. പ്രസ്തുത പരിപാടിയില്‍ അമീര്‍ ഹുസ്സൈന്‍ ബാഖവി ഉസ്താദ് അധ്യക്ഷത വഹിച്ചു. ജലീല്‍ കണ്ണമംഗലം, ഹനീഫ പാറക്കല്ലില്‍, റഹീം പൊന്നാട്, സുബൈര്‍ പട്ടാമ്പി, ശാക്കിര്‍ MP, മജ്‌നാസ് തലശ്ശേരി, അഷ്റഫ് പാലത്തിങ്ങല്‍, ഷാനവാസ് വണ്ടൂര്‍, മുനവ്വര്‍ പിസി ആശംസകള്‍ നേര്‍ന്നു സംസാരിച്ചു.

ഐ.ഡി.സി യുടെ മെമന്റോകളും ഗിഫ്റ്റും ഉസ്താദ് ഹുസൈന്‍ ബാഖവിയും ഭാരവാഹികളും ചേര്‍ന്ന് നല്‍കി. ഹുസൈന്‍ ബാഖവി നാസര്‍ ചാവക്കാടിനെ ഷാള്‍ അണിയിച്ചു. ഹൃസ്വ സന്ദര്‍ശനാര്‍ത്ഥം നാട്ടില്‍ നിന്നും ജിദ്ദയില്‍ എത്തിയ IDC ഹജ്ജ് ഗ്രൂപ്പിലെ സജീവ സാന്നിധ്യവും അഡ്മിനുമായ റഹീം പൊന്നാടിന് നാസര്‍ ചാവക്കാട് സ്‌നേഹോപഹാരം നല്‍കി.

നാസര്‍ ചാവക്കാട്, മുഹമ്മദലി ചട്ടിപ്പറമ്പ്, ഫവാസ് കെ മറുപടി പ്രസംഗം നടത്തി. IDC യുടെ ആരംഭകാല പ്രവര്‍ത്തന ശൈലിയും നേരിട്ട വെല്ലുവിളികളും അതിനെ തരണം ചെയ്തതും അബ്ദുനാസര്‍ ചാവക്കാടും ഹുസൈന്‍ ബാഖവിയും വിശദീകരിച്ചു. ഇല്യാസ് കണ്ണമംഗലം സ്വാഗതവും സബൈര്‍ പട്ടാമ്പി നന്ദിയും പറഞ്ഞു.