മലപ്പുറം: പാണ്ടിക്കാട് ഗവണ്മെന്റ് ഹയര്‍ സെക്കന്ററി സ്‌കൂളില്‍ തൊഴില്‍ ഉദ്ഗ്രഥിത വിദ്യാഭ്യാസത്തിന്റെ ഭാഗമായി തയ്യല്‍ പരിശീലന കേന്ദ്രം ഉദ്ഘാടനം ചെയ്തു. പിടിഎയുടെ സഹകരണത്തോടെ ആരംഭിച്ച പരിശീലന കേന്ദ്രത്തിന്റെ ഉദ്ഘാടനം ജീവ കാരുണ്യ പ്രവര്‍ത്തകന്‍ താഹിര്‍ ആമയൂര്‍ നിര്‍വഹിച്ചു. ചടങ്ങില്‍ പിടിഎ പ്രസിഡന്റ് എംകെ കുഞ്ഞു മുഹമ്മദ് അധ്യക്ഷത വഹിച്ചു. പ്രാധാന അധ്യാപിക അനീസ, വൈസ് പ്രസിഡന്റ് അഷ്റഫ് പിലാക്കല്‍, ഡെപ്യൂട്ടി എച്ച്എം രാജേഷ്, ഡാനിഷ്, ദില്ഷാദ് ബാബു, ശശികല, സീമ, ശ്രുതി എന്നിവര്‍ സംസാരിച്ചു.