റിയാദ്: വിദ്യാഭ്യാസ, വൈജ്ഞാനിക രംഗത്ത് പതിനഞ്ച് വര്ഷങ്ങള് പൂര്ത്തിയാക്കിയ അലിഫ് ഇന്റര്നാഷണല് സ്കൂളിന്റെ മികവാര്ന്ന പ്രവര്ത്തനങ്ങള്ക്ക് ഐ എസ് ഒ അംഗീകാരം. അക്കാദമിക് രംഗത്തെ ഗുണനിലവാരം, വിദ്യാര്ഥികളിലെ ക്രിയാത്മകത വളര്ത്തിയെടുക്കുന്ന വൈവിധ്യമാര്ന്ന ആക്ടിവിറ്റികള്, ഫലപ്രദമായ പഠനാനുഭവം വിഭാവനം ചെയ്യുന്ന ക്ലാസ് മുറികള്, സര്ഗ്ഗശേഷിയെ പരിപോഷിപ്പിക്കുന്ന കലാപരിപാടികള്, സാമൂഹ്യ പ്രതിബദ്ധത വളര്ത്തിയെടുക്കുന്ന ജീവകാരുണ്യ പ്രവര്ത്തനങ്ങള് തുടങ്ങിയവ മുന്നിര്ത്തിയാണ് അലിഫ് സ്കൂള് ഈ നേട്ടം കൈവരിച്ചത്.
പ്രവാസി വിദ്യാര്ഥികള്ക്ക് ഗുണനിലവാരവും മൂല്യവും ഉള്ള വിദ്യാഭ്യാസം നല്കുക എന്ന ലക്ഷ്യവുമായി 2009 ലാണ് അലിഫ് സ്കൂളിന്റെ തുടക്കം. 2019 ല് കോഴിക്കോട് അലിഫ് ഗ്ലോബല് റെസിഡന്ഷ്യല് സ്കൂളും രാജ്യാന്തര വിദ്യാര്ഥികള്ക്ക് വേണ്ടിയുള്ള അലിഫ് വേര്ച്വല് സ്കൂളുമായി അലിഫ് ഗ്രൂപ്പ് ഓഫ് സ്കൂള്സ് വളര്ച്ചയുടെ വഴിയില് മുന്നോട്ടുപോകുന്നു.
ISO 9001:2015 നേട്ടം കൈവരിക്കുന്നതില് നിര്ണായക പങ്കുവഹിച്ച അധ്യാപകരെയും വിദ്യാര്ത്ഥികളെയും രക്ഷിതാക്കളെയും അലിഫ് ഗ്രൂപ്പ് ഓഫ് സ്കൂള്സ് ചെയര്മാന് അലി അബ്ദുറഹ്മാന്, അലിഫ് ഗ്രൂപ്പ് ഓഫ് സ്കൂള്സ് സിഇഒ ലുഖ്മാന് അഹ്മദ്, പ്രിന്സിപ്പല് മുഹമ്മദ് മുസ്തഫ എന്നിവര് അഭിനന്ദിച്ചു.
Related News
