കൊച്ചി: മക്ക കെ.എം.സി.സി. നേതാവ് കോതമംഗലം ഊന്നുകല്‍ തേങ്കോട് കാലപറമ്പില്‍ അബ്ദുല്‍ കരീം മൗലവി (61) ഹൃദയാഘാതത്തെ തുടര്‍ന്ന് കോതമംഗലത്തെ സ്വകാര്യ ആശുപത്രിയില്‍ നിര്യാതനായി. ഖബറടക്കം ഞായറാഴ്ച ഉച്ചക്ക് 1 മണിക്ക് തേങ്കോട് ജുമാമസ്ജിദ് ഖബര്‍സ്ഥാനില്‍.

മൂന്ന് പതിറ്റാണ്ടിലേറെ കാലം മക്ക കെ.എം.സി.സി.യുടെ ജീവകാരുണ്യ സാമൂഹിക രംഗത്തെ നിറസാന്നിധ്യമായിരുന്നു. മൂന്നാഴ്ച മുന്‍പാണ് പ്രവാസം ലോകത്തോട് വിടപറഞ്ഞ് നാട്ടിലെത്തിയത്. ദീര്‍ഘകാലം ജിദ്ദ എറണാകുളം ജില്ല കെ.എം.സി.സി.യുടെ ചെയര്‍മാനും ഹജ്ജ് സേവന രംഗത്തെ കര്‍മ്മ ഭടനുമായിരുന്നു.

പൈമറ്റം പുതിയിടത്ത് കുടുംബാംഗം ഫാത്തിമയാണ് ഭാര്യ. മക്കള്‍. ഷഹര്‍ബാന്‍, ഷഹാന (യു.കെ), മുഹമ്മദ് ഷാന്‍ (ജിദ്ദ). മരുമക്കള്‍. അബ്ദുല്‍ കബീര്‍ പല്ലാരിമംഗലം, ഖാന്‍ മുഹമ്മദ് പൈമറ്റം (യു.കെ), അല്‍സ്വാഫി പുതുപ്പാടി.