ജിദ്ദ: പഴയകാല തിരുവിതാംകൂര് പ്രദേശങ്ങളില് നിന്നുള്ള പ്രവാസി കൂട്ടായ്മയായ ജിദ്ദ തിരുവിതാകൂര് അസ്സോസിയേഷന് (ജെ ടി എ) തിരുവിതാംകൂര് ശൈലിയില് സദ്യവട്ടങ്ങളും നാടന് കലാകായിക മേളയും ഒരുക്കി ഓണാഘോഷം സംഘടിപ്പിച്ചു. സാമൂഹ്യ സാംസ്കാരിക പ്രവര്ത്തകരും സുഹൃത്തുക്കളും പ്രത്യേക ക്ഷണിതാക്കളായി ഓണാഘോഷത്തില് പങ്കെടുത്തു. മഹാബലിയുടെ സന്ദര്ശനത്തോടെ ആരംഭിച്ച ആഘോഷ പരിപാടികളില് ജെടിഎ യിലെ കലാകാരന്മാര് വിവിധ കലാരൂപങ്ങള് അവതരിപ്പിച്ചു. ജെടിഎ രക്ഷാധികാര സമിതി ഓണ സന്ദേശം അവതരിപ്പിച്ചു.
ജെ ടി എ സാംസ്കാരിക വിഭാഗത്തിന്റെ നേതൃത്വത്തില് ഓണപ്പാട്ടുകളടങ്ങിയ ഗാനമേള, നൃത്തനൃത്യങ്ങള്, വനിതാവേദി ചിട്ടപ്പെടുത്തി അവതരിപ്പിച്ച തിരുവാതിര, കായിക വേദി നേതൃത്വം നല്കിയ വടം വലി, കസേരകളി എന്നിവ ആഘോഷത്തിന് ഉത്സവ ചാരുതയേകി. ജെടിഎ നിര്വ്വാഹക സമിതി അംഗങ്ങള് ആഘോഷ പരിപാടികള്ക്ക് നേതൃത്വം നല്കി.
