.jpg)
ഹഫര് അല് ബാത്തിന്: ഹഫര് അല് ബത്തിനില് മരുഭൂമിയില് മരിച്ച നിലയില് കണ്ടെത്തിയ യുവാവിന്റെ മൃതദേഹം നിയമ നടപടികള് പൂര്ത്തിയാക്കി ഒ.ഐ.സി.സി നാട്ടിലെത്തിച്ചു.
ഹഫര് അല് ബത്തിനില് നിന്നും മുപ്പതോളം കിലോ മീറ്റര് അകലെയുള്ള മരുഭൂമിയില് ആട്ടിടയനായി ജോലി ചെയ്തു വരുന്നതിനിടെ മരണപ്പെട്ട ജാര്ഖണ്ഡ് സ്വദേശി ജാബിര് അന്സാരി (35)യുടെ മൃതദേഹമാണ് നാട്ടിലെത്തിച്ചത്. ജോലി സ്ഥലത്ത് വാഹനത്തിനുള്ളില് മരിച്ച നിലയിലായിരുന്നു മൃതദേഹം കണ്ടെത്തിയത്. വിവരം ലഭിച്ച പോലീസ് സ്ഥലത്തെത്തി ഫോറെന്സിക് വിഭാഗത്തിന്റെ സഹകരണത്തോടെ പ്രാഥമിക അന്വേഷണം നടത്തി സ്വാഭാവിക മരണം സ്ഥിരീകരിച്ചു.
നിയമ കുരിക്കില്പെട്ട് നാട്ടിലേക്ക് കൊണ്ട് പോകാന് വൈകിയിരുന്ന മൃതദേഹം ഇന്ത്യന് എംബസ്സിയുടെ സഹായത്തോടെ ഒ.ഐ.സി.സി പ്രസിഡന്റ് വിബിന് മറ്റത്ത് നിയമ നടപടികള് പൂര്ത്തിയാക്കിയാണ് നാട്ടിലെത്തിച്ചത്. എയര് ഇന്ത്യ വിമാനത്തില് റാഞ്ചി വിമാനത്താവളത്തില് എത്തിച്ച മൃതദേഹം ബന്ധുക്കള് ഏറ്റുവാങ്ങി സ്വദേശത്ത് സംസ്കരിച്ചു.
Related News
