ജുബൈല്: കോതമംഗലം പീസ് വാലിയുടെ ജുബൈല് ചാപ്റ്റര് രൂപീകരിച്ചു. ജുബൈല് ക്ലാസിക് റസ്റ്റോറന്റ് ഹാളില് നടന്ന പരിപാടിയില് സാമൂഹിക, സാംസ്കാരിക രംഗത്തെ പ്രമുഖര് പങ്കെടുത്തു. പീസ് വാലി ചെയര്മാന് പി.എം. അബൂബക്കര് പീസ് വാലിയുടെ സന്ദേശം കൈമാറി. വേലിക്കെട്ടുകള് മറന്ന് സദുദ്ദേശ്യത്തോടെ മനുഷ്യ നന്മക്കായി പ്രവര്ത്തിക്കുമ്പോള് ദൈവികമായ സഹായവും നമുക്കൊപ്പം ഉണ്ടാകും എന്നതിന്റെ തെളിവാണ് പീസ് വാലി. കേരളത്തിലെ എല്ലാ വിഭാഗം ജനങ്ങളുടെയും പിന്തുണ പീസ് വാലിക്ക് ഉണ്ടെന്ന് അ്ദ്ദേഹം പറഞ്ഞു.
ഷിബു കവലയില് അധ്യക്ഷത വഹിച്ചു. പീസ് വാലിയുടെ പ്രൊജക്ടുകള് വിശദീകരിക്കുന്ന വിഡിയോ പ്രദര്ശിപ്പിച്ചു. മുമ്പ് പീസ് വാലി സന്ദര്ശിച്ചവര് അനുഭവങ്ങള് പങ്കുവെച്ചു. പ്രോജക്ട് കോഓഡിനേറ്റര് സാബിത് ഉമര്, എ.കെ. അസീസ് എന്നിവര് സന്നിഹിതരായിരുന്നു. ശിഹാബ് മങ്ങാടന് സ്വാഗതവും കോഡിനേറ്റര് ശംസുദ്ദീന് നദ്വി നന്ദിയും പറഞ്ഞു.
Related News
