ജിദ്ദ: ഇമാം ബുഖാരി മദ്രസയുടെ അസീസിയ ബ്രാഞ്ചില് സൗദി അറേബ്യയുടെ ദേശീയദിനം ആഘോഷപൂര്വം കൊണ്ടാടി. വര്ണ്ണശബളമായ ചടങ്ങില് സ്ഥാപനത്തിലെ അധ്യാപകരും നൂറുകണക്കിന് വിദ്യാര്ത്ഥികളും ആവേശപൂര്വം പങ്കാളികളായി. കൊടികളും തോരണങ്ങളും ബലൂണുകളുമായി മുഴുവന് കുട്ടികളും ചിട്ടയോടെ അണിനിരന്ന മാര്ച്ച് പാസ്റ്റ്, ആഘോഷത്തിന് ഹരിത വര്ണ്ണങ്ങളുടെയും സൗദി സാംസ്കാരികത്തനിമയുടെയും മിഴിവേകി. മദ്രസസയിലെ ജനറല് ക്യാപ്റ്റന് ഹാദി നാഷിത്ത് മാര്ച്ച് പാസ്റ്റ് മുന്നില് നിന്ന് നയിച്ചു.
ശേഷം നടന്ന ഹ്രസ്വമായ ചടങ്ങില്, മുഹമ്മദലി പട്ടാമ്പി കുട്ടികള്ക്ക് ദേശീയദിന സന്ദേശം കൈമാറി. ഇത്തരം ആഘോഷങ്ങളിലൂടെ സൗദി അറേബ്യയുടെ പൈതൃകവും സംസ്കാരവും ഉയര്ത്തിപ്പിടിക്കാന് ശ്രമിക്കണമെന്നും, ഈ നാടും ഇവിടുത്തെ പൗരന്മാരും കാണിക്കുന്ന ഐക്യവും സ്നേഹവും സന്തോഷവും സൗഹാര്ദ്ദത്തിന്റെ അസുലഭ നിമിഷങ്ങള് സമ്മാനിക്കാറുണ്ടെന്നും അദ്ദേഹം അഭിപ്രായപ്പെട്ടു. ഐസ് ബ്രേക്കിംഗ് ഗെയിമുകളും ചടങ്ങിനോടനുബന്ധിച്ച് നടന്നു.
പ്രിന്സിപ്പല് അബ്ദുസുബ്ഹാന് അബ്ബാസ് വിവിധ പരിപാടികള്ക്ക് നേതൃത്വം നല്കി. റുഷ്ദ അബ്ദുള്അസീസ് ഖിറാഅത്ത് നടത്തി. മദ്രസസ അധ്യാപകര് പരിപാടികള് കോഡിനേറ്റ് ചെയ്യുകയും നിയന്ത്രിക്കുകയും ചെയ്തു.
Related News
