ജിദ്ദ: ഇക്കഴിഞ്ഞ ശനിയാഴ്ച അന്തരിച്ച തേങ്കോട് അബ്ദുല്‍ കരീം മൗലവിയുടെ അനുസ്മരണ സംഗമം നാളെ (ഒക്ടോബര്‍ 10 വെള്ളി) ഉച്ചക്ക് 1:30 ന്
കോതമംഗലം കവളങ്ങാട് തേങ്കോട് ഹിദായത്തുല്‍ ഇസ്ലാം മദ്രസ ഹാളില്‍ നടക്കും. മൂന്നര പതിറ്റാണ്ട് കാലം മക്കയില്‍ ഹജ്ജ് സേവന രംഗത്ത് കര്‍മ നിരതനായിരുന്ന കരീം മൗലവി ജിദ്ദ എറണാകുളം ജില്ലാ കെഎംസിസി ചെയര്‍മാന്‍, മക്ക അസീസിയ ജുനൂബിയ ഏരിയാ കെഎംസിസി പ്രസിഡണ്ട്, ഇന്ത്യന്‍ ഹജ്ജ് മിഷന്‍ വളണ്ടിയര്‍ തുടങ്ങി ജീവകാരുണ്യ സാമൂഹ്യ ക്ഷേമ രംഗത്ത് സജീവമായിരുന്നു.

ഗ്ലോബല്‍ കെഎംസിസി എറണാകുളം ജില്ലാ, പല്ലാരിമംഗലം സി എച്ച് സെന്റര്‍ ഗ്ലോബല്‍ കമ്മിറ്റികളുടെ സംയുക്താഭിമുഖ്യത്തില്‍ നടക്കുന്ന അനുസ്മരണ സംഗമത്തില്‍ സൗദി കെഎംസിസി നാഷണല്‍ കമ്മിറ്റി പ്രസിഡണ്ട് കുഞ്ഞിമോന്‍ കാക്കിയ, മക്ക കെഎംസിസി സെന്‍ട്രല്‍ കമ്മിറ്റി ഭാരവാഹികളായ സുലൈമാന്‍ മാളിയേക്കല്‍, ഹാരിസ് പെരുവള്ളൂര്‍, മുസ്ലീം ലീഗ് നേതാക്കള്‍, പല്ലാരിമംഗലം സി എച്ച് സെന്റര്‍ ഗ്ലോബല്‍ കമ്മിറ്റി ഭാരവാഹികള്‍ തുടങ്ങിയവര്‍ അബ്ദുല്‍ കരീം മൗലവി അനുസ്മരണ സംഗമത്തില്‍ പങ്കെടുക്കുമെന്ന് സംഘാടക സമിതി ഭാരവാഹികള്‍ അറിയിച്ചു.