തായിഫ്: സൗദി കെ.എം.സി.സി നാഷണല് കമ്മിറ്റിയുടെ സാമൂഹ്യ സുരക്ഷാ പദ്ധതി-2026 തായിഫ് സെന്ട്രല് കമ്മിറ്റി തല അംഗത്വ കാമ്പയിന് തുടക്കമായി. 2026 ഡിസംബര് 15 വരെയാണ് അംഗത്വ കാമ്പയിന്റെ കാലാവധി.
2014 ല് തുടക്കം കുറിച്ച സാമൂഹ്യ സുരക്ഷാ പദ്ധതിയിലൂടെ പാതിവഴിയില് വീണുപോയ ഒട്ടേറെ കുടുംബങ്ങള്ക്ക് കൈത്താങ്ങായി മാറിയതിന്റെ നിരവധി അനുഭവ സാക്ഷ്യങ്ങളാണ് ഒരു വ്യാഴവട്ടത്തിനിടയില് കാണാന് കഴിഞ്ഞത്. ഓരോ വര്ഷവും പദ്ധതിയില് ചേരുന്നവരുടെ അംഗസംഖ്യ വര്ധിക്കുന്നതും ഈ പദ്ധതിയുടെ വിശ്വാസ്യതയാണ് കാണിക്കുന്നത്.
സെന്ട്രല് കമ്മിറ്റി ഓഡിറ്റോറിയത്തില് നടന്ന ചടങ്ങില് ഹലഗ ഏരിയാ ഭാരവാഹി അബ്ദുല് അസീസ് റഹ്മാനിക്ക് ഫോം നല്കിക്കൊണ്ട് സെന്ട്രല് കമ്മിറ്റി പ്രസിഡണ്ട് ഇന്ചാര്ജ് അബ്ദുല് സലാം പുല്ലാളൂര് ഉദ്ഘാടനം നിര്വ്വഹിച്ചു.
സെന്ട്രല് കമ്മിറ്റി ഭാരവാഹികളായ അഷ്റഫ് താനാളൂര്, മുജീബ് കോട്ടക്കല്, സലാം മുള്ളമ്പാറ, അബ്ബാസ് രാമപുരം, ഏരിയാ ഭാരവാഹികളായ ഹസ്സന് മുസ്ലിയാര്, അബ്ദുറഹ്മാന് മുസ്ലിയാര്, മജീദ് കൊയിലാണ്ടി, അലിയാര് കോതമംഗലം , കാസിം ഇരുമ്പുഴി, ഹാഷിം തിരുവനന്തപുരം, നംഷീദ്, റസാഖ് കൊട്ടപ്പുറം, സുനീര് ആനമങ്ങാട്, കരീം കോട്ടക്കല് എന്നിവര് പങ്കെടുത്തു.
Related News
