റിയാദ്: കൊട്ടാരക്കര പ്രവാസി അസോസിയേഷന് ഓണപ്പകിട്ട് 2025 എന്ന പേരില് ഓണാഘോഷവും സൗദിയുടെ 95ാം ദേശീയ ദിനാഘോഷവും സുബദിയിലുള്ള ഇസ്ത്രയില് ആഘോഷിച്ചു. വിഭവ സമൃദ്ധമായ സദ്യ കൊണ്ടും, ജനപങ്കാളിത്തം കൊണ്ടും വിവിധ കലാകായിക പരിപാടികള് കൊണ്ടും ആഘോഷം ശ്രദ്ധേയമായി. പ്രസിഡണ്ട് സജു മത്തായിയുടെ അധ്യക്ഷതയില് കൂടിയ സാംസ്കാരിക യോഗത്തില് ചെയര്മാന് അലക്സ് കൊട്ടാരക്കര ആമുഖ പ്രഭാഷണം നടത്തി. ഫോർക്ക ചെയർമാൻ റഹ്മാന് മുനമ്പത്ത് പരിപാടി ഉദ്ഘാടനം ചെയ്തു. സെക്രട്ടറി ബിനോയ് മത്തായി യോഗത്തിന് സ്വാഗതം പറഞ്ഞു. എക്സിക്യൂട്ടീവ് അംഗം റിജോ രാജ് അവതാരകനായി. റിയാദിലെ സാംസ്കാരിക സാമൂഹിക രാഷ്ട്രീയ സംഘടന നേതാക്കള് പങ്കെടുത്തു. ബാലുകുട്ടന്, സലീം അര്ത്തിയില്, സുധീര് കുമ്പിള്, ഷിബു ഉസ്മാന്, ജയന് കൊടുങ്ങല്ലൂര്, ഡോക്ടര് ജയചന്ദ്രന്, ഡോക്ടര് അബ്ദുള് അസിസ്, ഗഫൂര് കൊയിലാണ്ടി, കബീര് പട്ടാമ്പി, പുഷ്പരാജ് തുടങ്ങിയവര് ആശംസകള് നേര്ന്നു.
പ്രേഗ്രാം കണ്വിനര് ഷൈന് ദേവിനൊപ്പം ഭാരവാഹി എക്സിക്യൂട്ടിവ് അംഗങ്ങളുമായ ജെറോം മാത്യു, ഷൈജു സക്കറിയ, നൗഷാദ് കുന്നിക്കോട്, റിയാദ് ഫസലുദീന്,നിസാം കുന്നിക്കോട്, ജേക്കബ് വര്ഗീസ്, ശ്രീജിത്ത് ജയകുമാര്, ഷിബിന് മാത്യു, സാംകുട്ടി മത്തായി, അനൂപ് നായര്,ജോസ് വി ജോണ്, ഷാജി സൈനുദ്ധീന്, മുജീബ് റഹ്മാന് എന്നിവര് പരിപാടികള്ക്കും സദ്യവട്ടങ്ങള്ക്കും നേതൃത്വം നല്കി. കുട്ടികളുടെ കലാപരിപാടികള്ക്കും അത്തപ്പൂക്കളം ഒരുക്കുന്നതിനും വനിതാ വിംഗ് നേതൃത്വം നല്കി. ട്രെസ്റ്റി അലക്സാണ്ടര് തങ്കച്ചന് നന്ദി പറഞ്ഞു.
