റിയാദ്: റിയാദില്‍ നിന്ന് മോസ്‌കോയിലേക്ക് നേരിട്ടുള്ള സൗദി എയര്‍ലൈന്‍സ സര്‍വീസിന് തുടക്കം. മോസ്‌കോയില്‍ന്ന് റിയാദിലേക്കും നേരിട്ട് സര്‍വീസ് ഉണ്ട്. സൗദി വിഷന്‍ 2030 മായി ബന്ധപ്പെട്ട് 14 ലധികം അന്താരാഷ്ട്ര ലക്ഷ്യസ്ഥാനങ്ങളിലേക്ക് തങ്ങളുടെ കണക്റ്റിവിറ്റി വികസിപ്പിക്കുന്നതിന്റെ ഭാഗമാണിത്. റഷ്യന്‍-അറബ് ഉച്ചകോടി നടക്കുന്നതിനിടെയാണ് പുതിയ സര്‍വീസ്. സൗദി ദേശീയ ടീമിനെയും ആരാധകരെയും എത്തിക്കുന്നതിനായി സൗദി എയര്‍ലൈന്‍സ് 2018 ല്‍ മോസ്‌കോയിലേക്ക് പ്രത്യേക വിമാന സര്‍വീസുകള്‍ നടത്തിയിരുന്നു.

ഉദ്ഘാടനത്തിന്റെ ഭാഗമായി മോസ്‌കോയില്‍ 'ആശയവിനിമയത്തിന്റെ ചിറകുകള്‍' എന്ന പ്രമേയത്തില്‍ പരിപാടികള്‍ നടത്തുന്നുണ്ട്. 149 വിമാനങ്ങളുമായിലോകത്തുടനീളം 100 ലക്ഷ്യസ്ഥാനങ്ങളിലേക്ക് സൗദി എയര്‍ലൈന്‍സ് സര്‍വീസ് നടത്തിവരുന്നു. സൗദി എയര്‍ലൈന്‍സ് വരും വര്‍ഷങ്ങളില്‍ 116 വിമാനങ്ങള്‍ കൂടി പ്രതീക്ഷിക്കുന്നുണ്ട്. 2030ല്‍ 330 മില്യണ്‍ യാത്രക്കാരിലേക്ക് എത്തിച്ചേരണമെന്നാണ് എയര്‍ലൈന്‍സിന്റെ ലക്ഷ്യം.