ജിദ്ദ: മാനുഷിക മൂല്യങ്ങള് ഉയര്ത്തിപ്പിടിച്ചുള്ള ഒരു സമൂഹസൃഷ്ടിപ്പിന് ധാര്മ്മിക വിദ്യാഭ്യാസം അത്യന്താപേക്ഷിതമാണെന്ന് പ്രമുഖ ഖുര്ആന് പ്രഭാഷകന് ശാഫി സഖാഫി മുണ്ടമ്പ്ര അഭിപ്രായപ്പെട്ടു. ജിദ്ദ ഇമാം റാസി മദ്രസയില് സംഘടിപ്പിച്ച 'മീറ്റ് ദി സ്കോളര്' പരിപാടിയില് കുട്ടികളുമായി സംവദിക്കുകയായിരുന്നു അദ്ദേഹം.
വിദ്യാര്ത്ഥികള് ധാര്മികമായ അറിവ് നേടേണ്ടതിന്റെ പ്രാധാന്യം അദ്ദേഹം വിശദീകരിച്ചു. ഈ അറിവുകള് കേവലം വ്യക്തിപരമായ നേട്ടങ്ങള്ക്കപ്പുറം, സമൂഹത്തിനും രാജ്യത്തിനും വലിയ മുതല്ക്കൂട്ടായി മാറണം. ഓരോ വിദ്യാര്ത്ഥിയും സദ്ഗുണസമ്പന്നരായി വളരേണ്ടതിന്റെ ആവശ്യകത അദ്ദേഹം ഊന്നിപ്പറഞ്ഞു. 'നല്ല പൗരന്മാരെ വാര്ത്തെടുക്കുന്നതില് ധാര്മ്മിക വിദ്യാഭ്യാസം സുപ്രധാന പങ്ക് വഹിക്കുന്നു,' -അദ്ദേഹം കൂട്ടിച്ചേര്ത്തു.
മദ്രസ വിദ്യാര്ത്ഥികള്ക്ക് ഏറെ പ്രചോദനമായ സംവാദത്തില്, അവരുടെ സംശയങ്ങള്ക്കും ചോദ്യങ്ങള്ക്കും മറുപടി നല്കി. ഹസ്സന് സഖാഫിയുടെ അധ്യക്ഷതയില് നടന്ന സംഗമത്തില് എം ഐ എസ് സ്കൂള് പ്രിന്സിപ്പള് യഹ്യ ഖലീല് നൂറാനി, മാനേജിംഗ് കമ്മിറ്റി കണ്വീനര് ഗഫൂര് പുളിക്കല് എന്നിവര് ആശംസകള് നേര്ന്നു. മദ്രസ സ്റ്റാഫ് അംഗങ്ങളും രക്ഷാകര്ത്താക്കളും പരിപാടിയില് സന്നിഹിതരായിരുന്നു.
Related News
