ദമാം: അല്‍ കോബാറില്‍ പ്രവാസിയായ പറമ്പില്‍ പീടിക കല്ലുങ്ങല്‍ വീട്ടില്‍ സാദിഖിന്റെ ഭാര്യ തബഷീറ തസ്‌നി (28) നാട്ടില്‍ നിര്യാതയായി. ഒലിപ്രംകടവ് നെടുമ്പുറത്തു (കാപ്പാട്) പുതുകുളങ്ങര മജീദ്-ആയിഷ പരേക്കാട്ട്, ചേളാരി എന്നിവരുടെ മകളാണ്. മകന്‍ റംസി റമ്മാഹ് (8).

അസുഖ ബാധിതയായി ആശുപത്രിയില്‍ ചികിത്സയിലിരിക്കെയാണ് മരണം. അസുഖ വിവരമറിഞ്ഞയുടനെ സാദിഖ് കഴിഞ്ഞ ദിവസം നാട്ടിലേക്ക് പോയിരുന്നു. ഏറെ കാലം കോബാറിലുണ്ടായിരുന്ന തബഷീറ തസ്‌നി വലിയൊരു സുഹൃദ് വലയത്തിനുടമയാണ്. തബഷീറയുടെ ആകസ്മിക വിയോഗം അവരെ ദുഖത്തിലാഴ്ത്തി. കഴിഞ്ഞ മേയിലാണ് പ്രസവത്തിനായി ഇവര്‍ നാട്ടിലേക്ക് പോയത്. നജ്മുല്‍ ബിഷാറ, മശൂറ ബാനു, റിയ എന്നിവര്‍ സഹോദരിമാരാണ്.