ദമാം: ഓ ഐ സി സി ഈസ്റ്റേണ് പ്രോവിന്സ് വനിതാ വേദിയുടെ ക്ഷണം സ്വീകരിച്ച് യൂത്ത് കോണ്ഗ്രസ്സ് സംസഥാന ജനറല് സെക്രട്ടറി ഡോ. സോയ ജോസഫ് ദമ്മാമില് എത്തിച്ചേര്ന്നു. സോയയ്ക്ക് ദമാം കിംഗ് ഫഹദ് അന്താരാഷ്ട്ര വിമാനത്താവളത്തില് ഒ ഐ സി സി നേതാക്കള് ഊഷ്മളമായ വരവേല്പ് നല്കി.
ഒ ഐ സി സി ഈസ്റ്റേണ് പ്രോവിന്സ് വനിതാ വേദി സംഘടിപ്പിക്കുന്ന ഓണാഘോഷ പരിപാടി ഓണചന്തം 2025 ന്റെ മുഖ്യാതിഥി ആയാണ് ഡോ: സോയ ജോസഫ് എത്തിയത്. ഒക്ടോബര് 17 വെള്ളിയാഴ്ച സൈഹാത്തിലെ ഖാത്തൂല് ഖലീജ് ആഡിറ്റോറിയത്തിലാണ് പരിപാടി അരങ്ങേറുന്നത്.
വനിതാ വേദി പ്രസിഡന്റ് ലിബി ജയിംസ്, വനിതാ വേദി സഘടനാ ചുമതലയുള്ള ജനറല് സെക്രട്ടറി ഹുസ്ന ആസിഫ് എന്നിവര് ഷാള് അണിയിച്ച് മുഖ്യാതിഥിയെ സ്വീകരിച്ചു. സൗദി നാഷണല് കമ്മിറ്റി പ്രസിഡന്റ് ബിജു കല്ലുമല, ഒ ഐ സി സി കമ്മിറ്റി വൈസ് പ്രസിഡന്റ് പികെ അബ്ദുല് കരീം, പ്രോവിന്സ് കമ്മിറ്റി ജനറല് സെക്രട്ടറി പാര്വ്വതി സന്തോഷ്, പ്രോവിന്സ് കമ്മിറ്റി സെക്രട്ടറിമാരായ ആസിഫ് താനൂര്, ഉസ്മാന് കുന്നംകുളം വിവിധ കമ്മിറ്റി ഭാരവാഹികളായ ഷാഹിദ അബ്ദുല് കരിം, സന്തോഷ് മുട്ടം, ജയിംസ് കൈപ്പളില് എന്നിവര് സന്നിഹിതരായിരുന്നു.
Related News
