.jpg)
റിയാദ് : പി ഡി പി മുഹമ്മദ് എന്നറിയപ്പെടുന്ന എ എച്ച് മുഹമ്മദ് തിരുവത്ര (52) ഹൃദയാഘാതം മൂലം റിയാദില് നിര്യാതനായി. നസീമിലെ അല് ജസീറ ഹോസ്പിറ്റലില് എത്തിച്ചെങ്കിലും ജീവന് രക്ഷിക്കാനിയില്ല. പതിനാറു വര്ഷമായി സൗദി അറേബ്യയിലെ സുലൈയില് സൂപ്പര് മാര്ക്കറ്റ് നടത്തി വരികയായിരുന്നു.
ഗുരുവായൂര് നിയോജക മണ്ഡലത്തിലെ പിഡിപിയുടെ തുടക്കം മുതലുള്ള നേതാക്കളിലൊരാളും നിലവിലെ പിസിഎഫ് തൃശൂര് ജില്ലാ ജോയിന്റ് സെക്രട്ടറിയുമാണ്. ചേറ്റുവ പാലം ടോള് പിരിവിനെതിരെയുള്ള സമരത്തിന്റെ നേതൃ നിരയില് ഉണ്ടായിരുന്നു.
സഹോദരന് ഹസന് എച്ച്, ബന്ധുക്കളായ ഹംസ, അസര് എന്നിവര് റിയാദില് ഉണ്ട്. ഭാര്യ: സക്കീന, ഏക മകന് അല്ത്താഫ് എ മുഹമ്മദ്,
കെഎംസിസി സെന്ട്രല് കമ്മിറ്റി വെല്ഫെയര് വിഭാഗവും, നമ്മള് ചാവക്കാട്ടുകാര് സൗദി ചാപ്റ്ററും സംയുക്തമായി മൃതദേഹം നാട്ടില് കൊണ്ട് പോകുവാനുള്ള നടപടി ക്രമങ്ങള് ചെയ്തു വരുന്നു. നിയമ നടപടികള് പൂര്ത്തിയാക്കുന്നതിനായി റഫീഖ് മഞ്ചേരി, മെഹ്ബൂബ് ചെറിയ വളപ്പില്, മുസ്തഫ ബിയൂസ്, ഷാജഹാന് ചാവക്കാട്, കബീര് വൈലത്തൂര് എന്നിവര് രംഗത്തുണ്ട്.
Related News
