ദമാം: സന്ദര്‍ശന വിസയില്‍ സൗദിയിലെത്തിയ കൊല്ലം കരുനാഗപ്പള്ളി സ്വദേശി നസീമ അബ്ദുസമദ് (68) ജുബൈലില്‍ നിര്യാതയായി. മക്കളുടെ അടുത്ത് എത്തിയതായിരുന്നു. അസുഖ ബാധിതയായ നസീമയെ ജുബൈലിലെ ആശുപത്രിയില്‍ പ്രവേശിപ്പിച്ചിരുന്നു. തുടര്‍ന്ന് അസുഖം മൂര്‍ഛിച്ചതിനെ തുടര്‍ന്ന് ദമാമിലേക്ക് മാറ്റുകയായിരുന്നു. കെ.എം.സി.സി അല്‍ഖോബാര്‍ വെല്‍ഫയര്‍ വിഭാഗം പ്രവര്‍ത്തകരായ ഇഖ്ബാല്‍ ആനമങ്ങാടിന്റെയും, ഹുസൈന്‍ നിലമ്പൂരിന്റെയും നേതൃത്വത്തില്‍ നിയമ നടപടികള്‍ പൂര്‍ത്തിയാക്കി വരികയാണ്. ശേഷം മൃതദേഹം ദമാമില്‍ മറവ് ചെയ്യുമെന്ന് ബന്ധുക്കള്‍ അറിയിച്ചു.

മക്കള്‍ : റജില (സൗദി), ഷഫീഖ് (സൗദി), സിംല (സൗദി), ഷെജീര്‍ (ഇന്ത്യന്‍ നേവി കൊച്ചി). മരുമക്കള്‍ :അബ്ദുല്‍ സമദ് (സൗദി), നവാസ് (സൗദി), നിജിയ (സൗദി), ഫസീഹ (കൊച്ചി).