ജിദ്ദ: മലയാളം ടോസ്സ് മാസ്റ്റേഴ്‌സ് ക്ലബ്ബിന്റെ 250ാമത് മീറ്റിംഗും ഓണാഘോഷവും മുഷറഫിയിലുള്ള സീസണ്‍സ് റസ്റ്റോറന്റില്‍ നടന്നു. രാവിലെ 10 മണി മുതല്‍ ആരംഭിച്ച ആഘോഷ പരിപാടികള്‍ വൈകീട്ട് 5:30 വരെ നീണ്ടു നിന്നു. ക്ലബ് പ്രസിഡന്റ് കൃപ കുരുങ്ങാട്ട്, വൈസ് പ്രസിഡന്റ്‌റുമാരായ ബഷീര്‍ കുപ്പിയാന്‍, മുഹമ്മദ് സമീര്‍ കുന്നന്‍, സര്‍ജന്റ് അറ്റ് ആംസ് ഷഹീന്‍ മുഹമ്മദ്, സെക്രട്ടറി ദീപ സ്റ്റാന്‍ലി, ട്രഷറര്‍ നാസിയ മെഹര്‍, മുന്‍ പ്രസിഡന്റ്‌റുമാരായ നജീബ് വെഞ്ഞാറമൂട്, സഹീര്‍ അബ്ദുല്‍ ഖാദര്‍ എന്നിവര്‍ നേതൃത്വം നല്‍കി.

ജില്ല 104 ഡയറക്ടര്‍ ടോസ്റ്റ് മാസ്റ്റര്‍ ബാലസുബ്രഹ്‌മണ്യന്‍, ഡിവിഷന്‍ എച്ച് ഡയറക്ടര്‍ ടോസ്റ്റ് മാസ്റ്റര്‍ റൈഹാനത് സഹീര്‍, മുന്‍ ജില്ല ഡയറക്ടര്‍ മാരായ റാഷിദ് അലി, സജി കുര്യാക്കോസ്, മുന്‍ PQD DTM ബഷീര്‍ അമ്പലവന്‍ എന്നിവര്‍ പങ്കെടുത്തു. സ്വാദിഷ്ടമായ ഓണ സദ്യക്ക് പുറമെ ക്ലബ് അംഗങ്ങള്‍ അവതരിപ്പിച്ച തിരുവാതിര, ഓണപ്പാട്ടുകള്‍, കവിതാ പാരായണം തുടങ്ങിയ കലാപരിപാടികള്‍ ശ്രദ്ധേയമായി. ഗായകരായ ഹരീഷ്, ജേക്കബ് കുര്യന്‍, അനീസ് ബാബു, സന്തോഷ് അബ്ദുല്‍ കരിം, ഇസ്മായില്‍, സിമി അബ്ദുല്‍ കാദര്‍ എന്നിവര്‍ അവതരിപ്പിച്ച ഗാനങ്ങള്‍ ഹൃദ്യമായി.

തുടര്‍ന്ന് നടന്ന ടോസ്റ്റ് മാസ്റ്റര്‍ യോഗ പരിപാടികളില്‍ തയ്യാറാക്കിയ പ്രസംഗത്തില്‍ ബഷീര്‍ കുപ്പിയാനും, നിമിഷ പ്രസംഗത്തില്‍ അബ്ദുല്‍ കാദര്‍ ആലുവ, ഷിബു തിരുവനന്തപുരം, രിസാന മണപ്പാട്ടില്‍ എന്നിവരും, പ്രസംഗ മൂല്യ നിര്‍ണയത്തില്‍ അബ്ദുല്‍ റഷീദ് തൊടിയിലും വിജയികളായി.