റിയാദ് : റിയാദില് ഹൃദയാഘാതം മൂലം മരണപ്പെട്ട പി ഡി പി മുഹമ്മദ് എന്നറിയപ്പെടുന്ന എ എച്ച് മുഹമ്മദ് തിരുവത്രയുടെ (52) മൃതദേഹം ഇന്ന് രാത്രി കോഴിക്കേട്ടേക്കുള്ള എയര് ഇന്ത്യ എക്സ്പ്രസ്സ് വിമാനത്തില് കൊണ്ട് പോകും. സഹോദരന് എ എച്ച് ഹസന് മൃതദേഹത്തെ അനുഗമിക്കും.
ചൊവ്വാഴ്ച വൈകീട്ട് അസര് നമസ്കാരാനന്തരം റിയാദ് ഉമ്മുല് ഹമാമിലെ കിങ് ഖാലിദ് മസ്ജിദില് മയ്യിത്ത് നമസ്കാരം നിര്വഹിക്കും. നാളെ (ബുധന്) രാവിലെ 7.30നു കരിപ്പൂരിലെത്തുന്ന മൃതദേഹം ബന്ധുക്കള് ഏറ്റുവാങ്ങും. തുടര്ന്ന് തിരുവത്രയിലെ വസതിയില് പൊതു ദര്ശനത്തിന് വെച്ച ശേഷം പുതിയറ ജുമാ മസ്ജിദില് ഖബറടക്കും.
ബന്ധുക്കളോടൊപ്പം റഫീഖ് മഞ്ചേരി, മെഹബൂബ് ചെറിയവളപ്പില് (റിയാദ് കെഎംസിസി സെന്ട്രല് കമ്മിറ്റി വെല്ഫെയര് വിഭാഗം) കബീര് വൈലത്തൂര്, ഷാജഹാന് ചാവക്കാട് (നമ്മള് ചാവക്കാട്ടുകാര്) നിഹാസ് പാനൂര് (പി സി എഫ് റിയാദ് സെന്ട്രല് കമ്മിറ്റി), മുസ്തഫ ബിയൂസ് തുടങ്ങിയവരുടെ നേതൃത്വത്തില് നിയമ നടപടികള് പൂര്ത്തീകരിക്കുന്നതിനു രംഗത്തുണ്ടായിരുന്നു.
ഗുരുവായൂര് നിയോജക മണ്ഡലത്തിലെ പിഡിപിയുടെ തുടക്കം മുതലുള്ള നേതാക്കളിലൊരാളും നിലവിലെ പിസിഎഫ് തൃശൂര് ജില്ലാ ജോയിന്റ് സെക്രട്ടറിയുമാണ്. ചേറ്റുവ പാലം ടോള് പിരിവിനെതിരെയുള്ള സമരത്തിന്റെ നേതൃ നിരയില് ഉണ്ടായിരുന്നു.
ഭാര്യ സക്കീന, മകന് അല്ത്താഫ് എ മുഹമ്മദ്.
Related News
