ജിദ്ദ: മൂന്ന് വര്ഷത്തെ സ്തുത്യാര്ഹമായ സേവനം പൂര്ത്തിയാക്കി ഡല്ഹി വിദേശ മന്ത്രാലയത്തിലേക്ക് മടങ്ങുന്ന ജിദ്ദ ഇന്ത്യന് കോണ്സുലേറ്റിലെ ഹജ്ജ് കോണ്സല് മുഹമ്മദ് ജലീലിന് പ്രവാസി വെല്ഫെയര് വെസ്റ്റേണ് പ്രൊവിന്സ് കമ്മിറ്റി യാത്രയയപ്പ് നല്കി. കമ്മിറ്റി ഭാരവാഹികള് കോണ്സലിനെ അദ്ദേഹത്തിന്റെ ഓഫീസില് സന്ദര്ശിക്കുകയും പ്രവാസി സമൂഹത്തിന് അദ്ദേഹം നല്കിയ മികച്ച സേവനങ്ങള്ക്ക് നന്ദി അറിയിക്കുകയും ചെയ്തു.
മുഹമ്മദ് ജലീലിന്റെ പ്രവര്ത്തനങ്ങളെ പ്രശംസിച്ച കമ്മിറ്റി, ഹജ്ജ് തീര്ഥാടകര്ക്ക് അദ്ദേഹം നല്കിയ ശ്രദ്ധേയമായ പിന്തുണയും സേവനങ്ങളും എടുത്ത് പറഞ്ഞു.
യാത്രയയപ്പിന്റെ ഭാഗമായി പ്രവാസി വെല്ഫെയര് കമ്മിറ്റി അദ്ദേഹത്തിന് മെമന്റോ സമ്മാനിച്ചു. പ്രവാസികളുടെ ക്ഷേമത്തിന് വേണ്ടി പ്രവാസി സംഘടനകള് നടത്തുന്ന പ്രവര്ത്തങ്ങള്ക്ക് കോണ്സല് മുഹമ്മദ് ജലീല് നന്ദി അറിയിച്ചു.
പ്രവാസി വെല്ഫെയര് വെസ്റ്റേണ് പ്രൊവിന്സ് കമ്മിറ്റിക്ക് വേണ്ടി ആക്ടിങ് പ്രസിഡന്റ് ബഷീര് ചുള്ളിയന്, നാഷണല് കമ്മിറ്റി അംഗം സി എച്ച് ബഷീര്, പ്രൊവിന്സ് കമ്മിറ്റി അംഗം മുനീര് ഇബ്രാഹിം, അബ്ഷീര് എന്നിവര് ചടങ്ങില് പങ്കെടുത്തു.
Related News
