ദമാം : നാലര പതിറ്റാണ്ടിലധികം സൗദി ദമാമില് പ്രവാസിയായ തിരുവനന്തപുരം പേരൂര്ക്കട സ്വദേശി അരിഫിന് മനസിലിലെ മുഹമ്മദ് സിറാജ് (70) ഫിലിപ്പൈന്സില് നിര്യാതനായി. കമ്പനി ആവശ്യാര്ഥം റിക്രൂട്ട് മെന്റിന് വേണ്ടി ഫിലിപ്പൈന്സിലെ മനിലയില് എത്തിയ മുഹമ്മദ് സിറാജിന് കടുത്ത പനി അനുഭവപ്പെട്ടതോടെ ആശുപത്രിയില് പ്രവേശിപ്പിച്ചു. പനി മൂര്ഛിച്ചതോടെ വെന്റിലേറ്ററിലാവുകയും ഇന്നു പുലര്ച്ചെ മരണ സംഭവിക്കുകയുമായിരുന്നു.
46 വര്ഷത്തോളമായി പ്രവാസിയായ ഇദ്ദേഹം ബിന് ഖുറയ്യ കമ്പനിയില് വര്ഷങ്ങളോളം എച്.ആര് മാനേജര് പദവിയിലും ഇപ്പോള് കമ്പനിയുടെ സീനിയര് കണ്സള്ട്ടന്റായും ജോലി ചെയ്ത് വരികയായിരുന്നു. വര്ഷങ്ങളോളം അബ്ഖേക്കിലായിരുന്നു ജോലി ചെയ്തിരുന്നത്. ഇപ്പോള് ദമാം റാക്കയില് ആണ് താമസം. മുഹമ്മദ് സാലി-സഫിയ ബീവി ദമ്പതികളുടെ മകനാണ്. ഫാത്തിമയാണ് ഭാര്യ. അന്വിന്, അദ്നാന്, നജ്ല എന്നിവര് മക്കളാണ്. ഡോ : റിന്സി , ഡോ. ആമിന, അര്ഷാദ് എന്നിവര് മരുമക്കളാണ്.
ഖബറടക്കം നാട്ടില് നടത്തുമെന്ന് ബന്ധുക്കള് അറിയിച്ചു. വിവരമറിഞ്ഞ് ഭാര്യയും മക്കളും ഫിലിപൈന്സിലെത്തിയിട്ടുണ്ട്.
ധാരാളം സുഹ്യദ് വലയമുള്ള മുഹമ്മദ് സിറാജിന്റെ വിയോഗം കമ്പനിയിലെ സഹപ്രവര്ത്തകരേയും പരിചിതരേയും ദുഃഖത്തിലാഴ്ത്തി.
Related News
